Perezida wa Tanzania, Samia Suluhu Hassan, yakuyeho itegeko ryari rimaze imyaka itandatu ribuza abatavuga rumwe na leta gukora inama mu gihe kitari icy’amatora.
Iryo tegeko ryari ryarashyizweho n’uwamubanjirije, nyakwigendera Perezida John Magufuli, aho yavugaga ko amakoraniro nk’ayo mu gihe kitari icy’amatora ari ugutakaza umwanya no kwangiza amafaranga.
Ariko abatavuga rumwe na leta n’abaharanira uburenganzira bwa muntu bararyamaganye bavuga ko riciye ukubiri n’itegeko nshinga
Perezida (...)

Sponsored Ad

Perezida wa Tanzania, Samia Suluhu Hassan, yakuyeho itegeko ryari rimaze imyaka itandatu ribuza abatavuga rumwe na leta gukora inama mu gihe kitari icy’amatora.

Iryo tegeko ryari ryarashyizweho n’uwamubanjirije, nyakwigendera Perezida John Magufuli, aho yavugaga ko amakoraniro nk’ayo mu gihe kitari icy’amatora ari ugutakaza umwanya no kwangiza amafaranga.

Ariko abatavuga rumwe na leta n’abaharanira uburenganzira bwa muntu bararyamaganye bavuga ko riciye ukubiri n’itegeko nshinga

Perezida Samia yabitangaje ari mu mubonano n’abayobora amashyaka yose 19 yemewe n’amategeko.

Madamu Samia yagize ati: “Inshingano yacu nka leta izaba iyo kurindira umutekano abari muri ayo makoraniro… ubu rero kuko ayo makoraniro agarutse, ndizera ko tuzitwara neza mu kinyabupfura twirinda gutukana.”

Gukuraho itegeko ryabuzaga amakoraniro ya politike n’umwe mu myanzuro ya Perezida yo kwiyunga no kuvugurura ibintu yatangije agifata ubutegetsi mu 2021 nyuma y’urupfu rwa Magufuli.

Igihe yamaze ku butegetsi cyabonywe na bamwe nko gusubiza Tanzania mu butegetsi bw’igitugu.

Mu mezi ya vuba, Perezida Samia hamwe n’ishyaka riri ku butegetsi CCM bagiranye inama y’ibanga n’abatavuga rumwe na leta.

BBC