Kigali

Perezida wa Sierra Leone yahaye umwarimu wamwigishije muri Kaminuza umwanya muri guverinoma

Amakuru   Yanditswe na: Nsanzimana Ernest 2 May 2018 Yasuwe: 1160

Perezida wa Sierra Leone Julius Maada Bio yinjije muri Guverinoma umwarimu wa Kaminuza wamukosoreye igitabo yanditse ngo abe dogiteri.

Abantu bibajije niba bitanyuranyije n’ itegeko nshinga rya Sierra Leone kuba Prof David Francis yagizwe ‘Chief minister’.

Uyu mwanya wa Chief Minister ntabwo wari usanzwe muri iki gihugu, Perezida Bio yawushyizeho ejo hashize tariki 1 Gicurasi ahita anawuha umwarimu we. Uyu mwanya usanzwe mu butegetsi bw’ ibihugu birimo n’ Ubuhinde.

Uyu mwarimu Prof. Francis yayoboye ikipe yakoze amavugurura y’ ubutegetsi bucuye igihe ubwo Sierra Leone yari mu nzibacyuho.

Julius Maada Bio afite ipeti rya General mu gisirikare, afite imyaka 53 y’ amavuko yatowe avuye mu ishyaka ritavuga rumwe n’ ubutegetsi aba Perezida wa Sierra Leone tariki 31 Werurwe 2018.

Muri guverinoma yashyizeho yongereye umubare w’ abagore bava kuri babiri ubu ni bane mu baminisitiri 13.

Uyu mwarimu wahawe uyu mwanya niwe wakurikiranye Perezida Bio ubwo yakoreraga diplome ya dogitora muri Kaminuza yo mu Bwongereza ‘Bradford University’.

Ntabwo biramenyekana niba uyu mwanya wa chief Minisiter uzasimbura undi mwanya usanzweho wa State House Chief of Staff.

Uyu muperezida kandi yagize Dr Alie Kabba wayoboye ibikorwa bye byo kwiyamamaza muri Werurwe Minisitiri w’ Ububanyi n’ amahanga n’ ubutwererane.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Museveni yicumbye akabando ajya gusaba imbabazi abo inkangu yatwaye abo...

Perezida wa Uganda, Yoweli Museveni yasuye abaturage basizwe iheruheru n’...
15 October 2018 Yasuwe: 2261 0

Uganda : Umuhanzi Depite Bobi Wine yahagarikiwe igitaramo

Ubuyobozi sitade ya Namboole , bwasohoye itangazo ko umuhanzi...
14 October 2018 Yasuwe: 854 0

Ushinzwe kwandika imbwirwaruhame za Museveni yagaruye iyatambutse umwaka...

Mu ijambo Perezida Museveni yavuze ku munsi w’ ubwigenge ku nshuro ya 56...
11 October 2018 Yasuwe: 1651 0

Ikihishe inyuma yo kuba Nikki Haley yanze gukomeza guhagararira Amerika...

Kuri uyu wa Kabiri tariki 9 Ukwakira 2018 imwe mu nkuru zavunzwe mu...
10 October 2018 Yasuwe: 1408 0

Perezida Erdogan arashaka kumenya koko niba umunyamakuru w’ inshuti ye Jamal...

Perezida wa Turikiya Recep Tayyip Erdogan yasabye abategetsi ba Arabie...
9 October 2018 Yasuwe: 1274 0

Perezida Kim Jong un wa Koreya ya Ruguru yatumiye Papa Francis

Perezida wa Koreya ya ruguru yatumiye Papa Francis ngo azasure Koreya ya...
9 October 2018 Yasuwe: 753 0