Kigali

Perezida Zuma yatangaje ko yifuza gusimburwa na Dlamini Zuma wahoze ari umugore

Amakuru   Yanditswe na: Nsanzimana Ernest 17 May 2017 Yasuwe: 1389

Perezida w’Afurika y’Epfo, Jacob Zuma yatangaje ko Dr Nkosazana Dlamini-Zuma ari we aha amahirwe yo kuzamusimbura ku butegetsi.

Ni mu gihe mu mpera z’uyu mwaka hateganyijwe amatora y’umukuru w’igihugu muri icyo gihugu. Aho Dr Dlamini-Zuma ndetse Cyril Ramaphosa wungirije Perezida Zuma bahatanira uyu mwanya wo kuzamusimbura.

Ibi Perezida Zuma yabitangaje ku Cyumweru mu masengesho yari yabereye muri Bulwer mu burasirazuba bw’intara ya Kwa Zulu-Natal, aho yagarutse ku wahoze ari umugore we ndetse wanabaye umuyobozi w’Afurika yunze ubumwe, avuga ko ari we wenyine Wabasha kuyoborana igihugu n’ishyaka riri ku butegetsi ANC.

Yagize ati ”Dr Dramini Zuma ni umunyamurava ntabwo wapfa kumwigereza, ni umuntu wo kwizerwa, ndetse ni n’umuntu wifitemo ihinduramatwara kuko yanabigaragarije mu muryango w’Afurika yunze ubumwe.”

Yakomeje amutaka ibyubahiro ku mugabane w’Afurika bityo anemeza abari aho ko ari na ko agomba kubahwa muri Afurika y’Epfo by’umwihariko.

Dr Dramini Zuma yabaye umugore wa Perezida Jacob Zuma igihe kingana n’imyaka igera kuri 16, ni ukuvuga kuva mu 1982 kugeza mu 1998.

Dr Dlamini-Zuma ni umwe mu bahabwa amahirwe cyane muri kiriya gihugu yo kuzasimbura perezida Zuma uri ku butegetsi kuri ubu, wabugiyeho asimbuye Nelson Mandela na we wari warahaye Dr Dramini Zuma umwanya wa minisitiri w’ubuzima mu 1994.

Usibye kuba Dramini Zuma yarabaye Minisitiri w’ubuzima ku ngoma ya Nelson Mandela, aheruka kuyobora komisiyo y’umuryango w’ ubumwe bw’ ibihugubw’ i Burayi, yanabaye Minisitiri w’ububanyi n’amahanga wa Perezida Thabo Mbeki muri 2009.

Ni muri urwo rwego Perezida Zuma yagize ati ”ubwo nzaba mvuye ku buyobozi, nifuza ko yazansimbura kuko afite uburyo bwihariyw akoramo ibintu kandi akabishyira ku murongo neza.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Professional

    Muge musuzuma inyandiko mbere yo kuyigeza ku basomyi. Jacob Zuma ntiyasimbuye Nelson Mandela, yasimbuye Thabo Mbeki. Dlamini Zuma ntiyayoboye commision y’umuryango w’ubumwe bw’ibihugu by’iburayi, ahubwo commission y’umuryango w’ibihugu by’Afurika.

    17 May

Inzindi nkuru

Uganda: Umukozi wa Minisiteri y’ amazi yarapfuye umubiri we wangirikira mu...

Abatuye Katooro, Entebbe mu mugi wa Kampala, mu gihugu cya Uganda kuri uyu...
21 November 2017 Yasuwe: 1386 0

Uganda: Abapolisi 5 n’abandi barimo uwahoze muri RDF basubijwe mu...

Mu gitondo cyo kuri uyu wa mbere tariki 20 Ugushyingo 2017 nibwo Abapolisi...
20 November 2017 Yasuwe: 1432 1

Nkurunziza yatanze igisobanuro cy’Imbonerakure benshi baratungurwa

Perezida Pierre Nkurunziza w’Igihugu cy’U Burundi, yatunguye benshi maze...
20 November 2017 Yasuwe: 2780 2

Perezida Mugabe yanze kuva ku butegetsi

Perezida Mugabe yanze kuva ku butegetsi Mu ijambo yatangambukije kuri...
20 November 2017 Yasuwe: 1041 0

Zimbabwe: Perezida Mugabe yegujwe ku buyobozi bwa ZANU-PF

Ubuyobozi bw’Ishyaka riri ku butegetsi muri Zimbabwe, ZANU-PF, buravuga ko...
19 November 2017 Yasuwe: 1443 0

Abantu ibihumbi n’ibihumbi bari mu munezero wo gusezerera Mugabe

Abantu bari mu munezero ni bo bagaragara mu murwa mukuru wa Zimbabwe, i...
18 November 2017 Yasuwe: 1780 0