Imibare y’ agateganyo yatangajwe n’ ingabo za Loni zishinzwe kugarura amahoro muri Repubulika iharanira Demukarasi ya Congo iragaragaza ko imyigaragambyo yo kuri iki Cyumweru tariki 21 Mutarama 2018 yaguyemo abantu 6, ikomerekeramo 57 naho abantu 100 barimo abapadiri 10 batabwa muri yombi.
Iyi myigaragambyo yateguye na kiliziya gatolika ibera mu murwa mukuru Kinshasa. Abayitabiriye bakoze urugendo mu mutuzo basaba Leta ya Congo kubahiriza ibikubiye mu myanzuro y’ ibiganiro byahuje kiliziya (...)

Sponsored Ad

Imibare y’ agateganyo yatangajwe n’ ingabo za Loni zishinzwe kugarura amahoro muri Repubulika iharanira Demukarasi ya Congo iragaragaza ko imyigaragambyo yo kuri iki Cyumweru tariki 21 Mutarama 2018 yaguyemo abantu 6, ikomerekeramo 57 naho abantu 100 barimo abapadiri 10 batabwa muri yombi.

Iyi myigaragambyo yateguye na kiliziya gatolika ibera mu murwa mukuru Kinshasa. Abayitabiriye bakoze urugendo mu mutuzo basaba Leta ya Congo kubahiriza ibikubiye mu myanzuro y’ ibiganiro byahuje kiliziya gatolika muri congo na Leta icyo gihugu mu mpera za 2016.

Polisi yo muri Congo yakoresheje imbyuka biryana mu maso mu gutatanya abayoboke ba kiriziya gatolika bari mu myigaragambyo bitwaje amashapule n’ imisaraba.

Nk’ uko byatangaje n’ umuvugizi wa MONUSCO Madamu Florence Marchal n’ abari bashungere bagiye batabwa muri yombi ndetse ngo hari n’ abanyamakuru batawe muri yombi.

Umuvugizi wa polisi colonel Mwanamputu yatangaje ko abapfuye ari babiri avuga ko abapfuye ari amabandi atari abo muri kiliziya gatolika.

Manda ebyiri Perezida Joseph Kabila yemererwa n’ itegeko nshinga rya Congo zarangiye mu mpera za 2016. Umwaka wose wa 2017 warangiye nta matora y’ umukuru w’ igihugu abaye, kuri ubu amakuru aravuga ko amatora ya Perezida wa Congo azaba mu mpera z’ uyu mwaka wa 2018.

Mu byo abigaragambya basaba harimo gusaba Perezida Kabila gutangaza kumugaragaro ko ataziyamamaza mu matora yimirijwe imbere kuko itegeko nshinga ritabimwemerera.

Abatavuga rumwe na Kabila bamushinja gutinza amatora nkana ngo agume ku butegetsi. Gusa Leta ya Congo ivuga ko abatavuga rumwe nayo hari icyo birengagiza iyo bavuga ko Congo yatinze gutegura amatora ya Perezida, birimo kuba birengagiza ko bisaba ingengo y’ imari ihambaye ndetse n’ umutekano usesuye mu gihe cy’ amatora.