Abapolisi batandatu batawe muri yombi muri Tanzania bakurikiranyweho iraswa ry’umunyeshuri wa kaminuza kwabereye i Dar es Salaam mu mpera z’icyumweru gishize, hari ku wa Gatanu.
Ababibonye bavuga ko uwo munyeshuri w’umukobwa yishwe igihe yari muri bisi, iciye hafi y’aho abatavuga rumwe na leta barimo bakorera imyigaragambyo.
Leta ishinjwa kuba ihutaza ababa bari mu myigaragambyo.
Kiliziya Gatolika iheruka kwamagana inzego z’umutekano ku kuntu bitwara mu guhashya abatavuga rumwe na Leta hamwe (...)

Sponsored Ad

Abapolisi batandatu batawe muri yombi muri Tanzania bakurikiranyweho iraswa ry’umunyeshuri wa kaminuza kwabereye i Dar es Salaam mu mpera z’icyumweru gishize, hari ku wa Gatanu.

Ababibonye bavuga ko uwo munyeshuri w’umukobwa yishwe igihe yari muri bisi, iciye hafi y’aho abatavuga rumwe na leta barimo bakorera imyigaragambyo.

Leta ishinjwa kuba ihutaza ababa bari mu myigaragambyo.

Kiliziya Gatolika iheruka kwamagana inzego z’umutekano ku kuntu bitwara mu guhashya abatavuga rumwe na Leta hamwe no kwerekana ivangura moko nk’uko BBC ibivuga.

Aba batawe muri yombi nyuma y’ubusabe bwa Perezida Magufuli wari wasabye inzego z’umutekano gushakisha mu buryo bwihuse uwishe uwo munyeshuri.

Abinyujije kuri Twitter Magufuli yihanganishije umuryango w’uyu mukobwa asaba inzego z’umutekano kugira icyo bakora mu maguru mashya,ati “Nababajwe cyane n’urupfu rw’umunyeshuli Akwilina Akwilini. Mfashe mu mugongo umuryango we, incuti ze, abanyeshuri biganaga nawe kuri NIT, n’undi wese wababajwe n’uru rupfu. Nasabye ababishinzwe bose gukora iperereza maze abo bizahama bakazahanwa bikomeye.”

Akwilina Akwilini yigaga ku ishuli ryigisha gutwara abantu"National Institute of Transport" (NIT), izina ryiwe n’ifoto byashyizwe ku mbuga nkoranyambaga, yarashwe ari muri bisi ku munsi wa gatanu, hasigaye umunsi umwe ngo habe amatora muri karitsiye ya Kinondoni.