skol
Kigali
startimes

Tanzania: Magufuli yaburiye abaminisitiri bifata ’selfies’ mu kazi n’abamenera amabanga y’igihugu kuri WhatsApp

Amakuru   Yanditswe na: Dusingizimana Remy 10 December 2020 Yasuwe: 3713

Perezida wa Tanzania John Magufuli yaburiye abagize guverinoma nshya kwirinda "indwara idasanzwe" yateye yo gutangaza ubutumwa bw’ibanga bw’akazi mu matsinda yo kuri WhatsApp.


Perezida Magufuli yanaburiye abaminisitiri kwirinda kwifata amafoto kuri telefone zabo zigezweho - aya azwi nka ’selfies’ - mu gihe bari mu kazi, avuga ko akazi kabo "kazagaragarira" mu bikorwa bagezeho

Yabivuze ku wa gatatu mu muhango wo kwakira indahiro z’abaminisitiri n’ababungirije wabereye mu murwa mukuru Dodoma.

Ubutumwa bwo kuri Twitter bw’umuvugizi we busubiramo amagambo ya Bwana Magufuli agira ati:

"Muri guverinoma ubu hasigaye hari indwara idasanzwe aho n’amatangazo ya leta ashyirwa mu matsinda [groups] yo kuri WhatsApp. Amwe [amatangazo] y’ibanga arimo kumenwa. Mureke dukurikize indahiro zacu".

Hagati aho, umudepite wari wagenwe ku mwanya muri guverinoma yawukuweho arasimbuzwa kubera kunanirwa gusubiramo amagambo akubiye mu ndahiro.

Francis Ndulane yajyaga kuba minisitiri wungirije ushinzwe ubucukuzi bw’amabuye y’agaciro.

Yagerageje inshuro nyinshi gusubiramo amagambo agize indahiro, nyuma asabwa kwicara akareka abandi na bo bakavuga indahiro zabo kuko byari bimaze kumunanira.

Mu kwezi kwa cumi ni bwo Bwana Magufuli yongeye gutorwa ku bwiganze bw’amajwi kuri manda ya kabiri y’imyaka itanu, mu matora abatavuga rumwe n’ubutegetsi bavuze ko yaranzwe n’uburiganya. Perezida Magufuli yagize amajwi 84%.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abavuye muri Tanzania na DR Congo ntibemerewe kwinjira muri UK kubera...

Ubwongereza bwatangaje ingingo ibuza abagenzi bose bavuye muri Tanzania na...
22 January 2021 Yasuwe: 3190 0

Joe Biden yinjiye bwa mbere muri White House ahita akora impinduka...

Nyuma y’amasaha make Joe Biden arahiye,Joe Biden yahise yerekeza muri White...
21 January 2021 Yasuwe: 6125 1

Joe Biden yarahiye ku mugaragaro aba Perezida wa 46 wa US

Joe Biden amaze kurahirira kuba Perezida wa 46 wa Leta Zunze Ubumwe za...
20 January 2021 Yasuwe: 4408 0

Donald Trump yivuze ibigwi karahava ubwo yasezeraga Abanyamerika

Perezida wa Amerika Donald Trump yavuze ijambo rye ryo gusezera mbere yo...
20 January 2021 Yasuwe: 4679 0

Bizagenda bite ubwo Joe Biden na Kamala Harris bazaba barahira?

Perezida watowe Joe Biden ku munsi w’irahira rye azahita ajya muri White...
19 January 2021 Yasuwe: 4328 0

Bobi Wine yahishuye ko ubuzima bwe buri mu kaga

Bobi Wine watsinzwe amatora y’umukuru w’igihugu muri Uganda, afite ubwoba ko...
17 January 2021 Yasuwe: 5150 0