Uburusiya bwunamiye Andrei Karlov wari ambasaderi wabwo mu gihugu cya Turkiya, uherutse kwicwa ubwo yarimo ageza ijambo ku baturage.
Kuri uyu wa 22 Ukuboza nibwo mu mujyi wa Moscou habereye umuhango wo kunamira Andrei Karlov. Ni umuhango wayobowe na Minisitiri w’ ububanyi n’ amahanga w’ Uburusiya Sergey Lavrov
Ambasaderi Andrei Karlov, yarashwe n’umupolisi wari muri konji mu murwa mukuru wa Turkiya, Ankara.
Mu banyacubahiro bitabiriye umuhango wo kunamira Nyakwigendera Amb. Karlov harimo (...)

Sponsored Ad

Uburusiya bwunamiye Andrei Karlov wari ambasaderi wabwo mu gihugu cya Turkiya, uherutse kwicwa ubwo yarimo ageza ijambo ku baturage.

Kuri uyu wa 22 Ukuboza nibwo mu mujyi wa Moscou habereye umuhango wo kunamira Andrei Karlov. Ni umuhango wayobowe na Minisitiri w’ ububanyi n’ amahanga w’ Uburusiya Sergey Lavrov

Ambasaderi Andrei Karlov, yarashwe n’umupolisi wari muri konji mu murwa mukuru wa Turkiya, Ankara.

Mu banyacubahiro bitabiriye umuhango wo kunamira Nyakwigendera Amb. Karlov harimo Perezida Vladimir Putin, Minisitiri w’ Intebe w’ Uburusiya, Dmitry Medvedev, na Minisitiri w’ ububanyi n’ amahanga w’ Uburusiya Sercgei Lavrov, ari nawe wayoboye uyu muhango.

Perezida w’igihugu cya Turkiya, Recep Tayyip Ezrdogan, avuga ko ntagushidikanya iyicwa rya Amb. Karlov ryagizwemo uruhare umutwe w’umutegetsi ukomeye w’idini ya Islamu, Fetullah Gulen.
Gulen aba muri Leta zunze ubumwe z’Amerika. Nubwo bimeze gutya ariko Gulen yamaganye iki gitero.

Leta Zunze Ubumwe za Amerika zamamaganiye kure ibivugwa ko zaba zaragize uruhare mu iyicwa rya Amb. Karlov.

Amb. Karlov yarashwe n’ umupolisi witwaje intwaro ku wa 20 Ukuboza 2016, ubwo yarimo ageza ijambo ku bari bitabiriye imurikagurisha ry’ amafoto.