skol
Kigali
startimes

Ubutasi bw’Ubushinwa burashinjwa kwinjirira bikabije Joe Biden

Amakuru   Yanditswe na: Dusingizimana Remy 3 December 2020 Yasuwe: 4178

Ba maneko b’Ubushinwa bongereye umuhate wabo wo kwinjirira ubutegetsi bugiye kujyaho muri Amerika bwa Perezida watowe Joe Biden, nkuko byavuzwe n’umutegetsi wo mu butasi bw’Amerika.


William Evanina, wo mu biro by’umukuru w’ubutasi bw’Amerika, yavuze ko Abashinwa barimo no kwibanda ku bantu bari hafi y’itsinda Bwana Biden azafatanya naryo ku butegetsi bwe.

Bwana Evanina yavuze ko bifatwa ko ari igikorwa cyo gushaka kugena imikorere y’ubutegetsi bushya kiri ku rwego "rurenze".

Mu yandi makuru, umutegetsi wo mu biro by’ubutabera by’Amerika yavuze ko abarenga 1,000 bacyekwa kuba ari ba maneko b’Ubushinwa bahunze bava muri Amerika.

Bwana Evanina ukuriye ishami ryo kuburizamo ubutasi (counter-intelligence/contre-espionnage), yabivuze ku wa gatatu mu kiganiro cyo mu buryo bw’ikoranabuhanga ry’iyakure cyabereye mu kigo cy’ubushakashatsi cya Aspen Institute.

Yavuze ko Ubushinwa bumaze igihe bugerageza kwivanga mu muhate w’Amerika wo gukora urukingo rwa coronavirus ndetse no mu matora ya perezida aherutse kuba.

Yakomeje agira ati: "Twanabonye ukwiyongera, kwari guteganyijwe kandi twari twiteze, k’uko Ubushinwa ubu buha undi murongo ibikorwa byabwo byo gushaka kugena ibintu [ibiva mu matora] bukabyerekeza ku butegetsi bushya [bwa Biden]".

Ati: "Rero aho ni ahantu tugiye gukomeza kugenzura cyane tugatuma ubutegetsi bushya busobanukirwa n’uko gushaka kugena ibintu, uko bikorwa, uko bimeze n’uko wabimenya igihe uhuye nabyo".

Ntacyo Ubushinwa bwari bwatangaza ku mugaragaro kuri ibi bishya bivugwa n’ubutasi bw’Amerika.

Mu kwiyamamariza kuba perezida, Bwana Biden na Perezida Donald Trump bagiye bashinjanya bikomeye ko buri umwe akoreshwa n’Ubushinwa.

Perezida Trump yibanze ku masezerano y’ubucuruzi Hunter Biden, umuhungu wa mucyeba we, yagiriye mu Bushinwa, mu gihe Bwana Biden we yavuze kuri konti Bwana Trump afite muri banki yo mu Bushinwa.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abavuye muri Tanzania na DR Congo ntibemerewe kwinjira muri UK kubera...

Ubwongereza bwatangaje ingingo ibuza abagenzi bose bavuye muri Tanzania na...
22 January 2021 Yasuwe: 3195 0

Joe Biden yinjiye bwa mbere muri White House ahita akora impinduka...

Nyuma y’amasaha make Joe Biden arahiye,Joe Biden yahise yerekeza muri White...
21 January 2021 Yasuwe: 6139 1

Joe Biden yarahiye ku mugaragaro aba Perezida wa 46 wa US

Joe Biden amaze kurahirira kuba Perezida wa 46 wa Leta Zunze Ubumwe za...
20 January 2021 Yasuwe: 4409 0

Donald Trump yivuze ibigwi karahava ubwo yasezeraga Abanyamerika

Perezida wa Amerika Donald Trump yavuze ijambo rye ryo gusezera mbere yo...
20 January 2021 Yasuwe: 4682 0

Bizagenda bite ubwo Joe Biden na Kamala Harris bazaba barahira?

Perezida watowe Joe Biden ku munsi w’irahira rye azahita ajya muri White...
19 January 2021 Yasuwe: 4329 0

Bobi Wine yahishuye ko ubuzima bwe buri mu kaga

Bobi Wine watsinzwe amatora y’umukuru w’igihugu muri Uganda, afite ubwoba ko...
17 January 2021 Yasuwe: 5150 0