skol
Kigali
startimes

Umuraperi Mwana Fa n’umujyanama wa Diamond babaye abadepite,Professor Jay arasohoka

Amakuru   Yanditswe na: Dusingizimana Remy 30 October 2020 Yasuwe: 1588

Hamis Mwinjuma, umuhanzi uzwi cyane nka Mwana FA yatorewe kujya mu nteko ishingamategeko ya Tanzania ahagarariye akararere ka Muheza, naho undi muhanzi Professor Jay wari usanzwe ari umudepite atsindwa amatora.


Mwana FA umukandida w’ishyaka riri ku butegetsi CCM, yagize amajwi 47,578, uwo bari bahanganye Yosepher Komba wa CHADEMA itavuga rumwe n’ubutegetsi yagize amajwi 12,034.

Joseph Haule uzwi cyane muri muzika yo mu karere nka Profesa Jay yatsinzwe amatora yo mu karere ka Mikumi mu ntara ya Morogoro.

Professor Jay yari umudepite w’ishyaka CHADEMA, yatowe kwinjira mu bagize inteko mu 2015, kuri iyi nshuro yagize amajwi 17,375 mu gihe uwo bari bahatanye Denis Lazaro yagize amajwi 31,411 .

Ishyaka CHADEMA rivuga ko aya matora yaranzwe n’uburiganya.

Mu byavuye mu matora bimaze gutangazwa kugeza ubu, mu turere 264 tugize Tanzania abakandida ba CCM bamaze gutsindira imyanya 99% mu bagize inteko.

Umunsi wa kane nta ’social media’

Kuva kuwa kabiri mu gitondo, abakoresha imbuga nka WhatsApp ntibyashobokaga gukora ’download’ y’amafoto n’amavidewo, bashoboraga gusa kohereza no kwakira ubutumwa bwanditse.

Twitter nayo yavanywe kuri internet, igashobora gukoreshwa gusa n’abagiye kuri VPN (virtual private network).

Gukoresha Instagram na YouTube nabyo kuva ubwo kugeza ubu ntibikora nka mbere, muri iki gihe ibyavuye mu matora bikomeje gutangazwa.

Net Blocks urubuga rukurikirana uko internet ikoreshwa ku isi rwatangaje ko rwabonye "gucagagura internet mu buryo bwagutse" byibasiye Twitter, WhatsApp, Instagram, serivisi za Google muri Tanzania.

Ruvuga kandi ko abategetsi muri icyo gihugu bari kugerageza guhagarika VPN.

Amatora yabaye kuwa gatatu, aho Perezida John Magufuli ari kwiyamamariza manda ya kabiri.

Ibyavuye mu matora ya perezida muri Tanzania ntibishobora kujuririrwa.

Umujyanama wa Diamond Platnumz, Shaban Hamisi Taletale uzwi nka Babu Tale, nawe yatorewe kuba abadepite mu nteko ishinga amategeko ya Tanzania, ahagarariye agace ka Morogoro y’Amajyepfo.

Babu Tale ubwo yiyamamazaga ku itike y’ishyaka CCM (Chama Cha Mapinduzi) riyoboye igihugu, yatsinze umukandida wa Chadema, Yosepher Komba.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Amerika yagarutse kandi yiteguye kuyobora isi-Joe Biden

Joe Biden watorewe kuba Perezida w’Amerika yatangaje abategetsi batandatu...
25 November 2020 Yasuwe: 2396 0

Perezida Trump yemeye ko guhererekanya ubutegetsi na Biden bitangira

Itsinda rya Joe Biden ryakiriye neza itangira ry’igikorwa cyo guhererekanya...
24 November 2020 Yasuwe: 1860 0

Inshuti ya Trump yamushishikarije kwemera ko yatsinzwe amatora ya...

Inshuti ikomeye ya Donald Trump yamushishikarije kureka umuhate we wo...
23 November 2020 Yasuwe: 1615 0

Burundi: Perezida Ndayishimiye yashyizeho ibihano bikarishye ku bakozi...

Perezida Evariste Ndayishimiye w’u Burundi yatangaje ko umukozi wa leta...
22 November 2020 Yasuwe: 1061 0

Amatora muri US: Urukiko rwatesheje agaciro ibyifuzo bya Trump muri...

Umucamanza muri leta ya Pennsylvania yanze ibirego byari byatanzwe...
22 November 2020 Yasuwe: 1230 1

“Muri gukina n’umuriro”-Perezida Museveni abwira Bobi Wine n’abarwanashyaka...

Perezida wa Uganda ,Yoweli Kaguta Museveni yabwiye mugenzi we Bobi Wine...
20 November 2020 Yasuwe: 6828 0