skol
Kigali
startimes

Undi mujenerali ukomeye muri USA yamaganye ku mugaragaro Donald Trump

Amakuru   Yanditswe na: Dusingizimana Remy 5 June 2020 Yasuwe: 2676

Undi wahoze ari umusirikare mukuru mu ngabo za Leta Zunze Ubumwe z’Amerika yamaganye igikangisho cya Perezida Donald Trump cyo gukoresha ingabo mu gusoza imyigaragambyo yatewe n’urupfu rw’umwirabura George Floyd.


Jenerali Martin Dempsey yari akuriye ingabo z’Amerika kuva mu 2011 kugera mu 2015, ku gihe cy’ubutegetsi bwa Barack Obama.

Yabwiye radio National Public Radio yo muri Amerika ko amagambo ya Bwana Trump "ateye impungenge zikomeye" kandi "ateje ibyago".

Umunyamabanga w’ingabo uriho ubu ku butegetsi bwa Bwana Trump ndetse n’uwigeze kuba we ku butegetsi bwe na bo banenze icyo gikangisho cye.

Ku wa mbere, Perezida Trump yakangishije ko azagaba ingabo ngo "zisoze vuba" imyigagaragambyo niba za leta zinaniwe kubikora.

Imyigaragambyo - ahanini ikorwa mu mahoro - yakwiriye mu bice bitandukanye by’Amerika nyuma y’urupfu mu kwezi gushize rwa George Floyd, Umunyamerika w’umwirabura ukomoka muri Afurika, wari mu maboko ya polisi.

Iyo myigaragambyo ubu igeze ku munsi wayo wa 10.

Mu gihe iyi myigaragambyo isa n’iri guhosha mu murwa mukuru Washington, agace k’umutekano w’ibiro bya perezida bya White House karaguwe mu minsi micye ishize.

Polisi yakoresheje inkoni zikoze mu mikwege na plastike (cyangwa ndembo) ndetse n’imyuka iryana mu maso mu gutatanya abigaragambyaga hafi y’imbuga ya Lafayette Park ku wa mbere.

Kuva ubwo polisi yahashyize uruzitiro rukikije inyubako ya White House.

Uwo Jenerali yanenze iki?

Ejo ku wa kane, Jenerali Dempsey, ubusanzwe uvuga gacye cyane mu ruhame, yagize ati:

"Igitekerezo cyuko perezida yasubiza ibintu mu buryo akoresheje igisirikare, kuri jye giteye impungenge".

Yongeyeho ati: "Igitekerezo cyuko igisirikare cyakwitabazwa ngo gihashye ndetse kiburizemo imyigaragambyo ahanini ikorwa mu mahoro - ni byo ko hari hamwe yabayemo urugomo kubera ba rusahurira mu nduru - noneho igisirikare kikayijyamo ukuntu ngo gihoshe uko ibintu bimeze, kuri jye giteje ibyago cyane".

Uko kunenga Trump kwe kuje gukurikira amagambo y’uwahoze ari Jenerali mu ngabo z’umutwe wa Marine, Jim Mattis, wanabaye umunyamabanga w’ingabo z’Amerika ku butegetsi bwa Bwana Trump.

Jenerali Mattis yavuze ko amagambo ya Bwana Trump agamije gucanishamo nkana Abanyamerika.

Mu gusuzubiza Jenerali Mattis kuri ayo magambo ye yo ku wa gatatu, Bwana Trump yanditse kuri Twitter ko uwo wahoze ari umunyamabanga w’ingabo ari "umujenerali wiha agaciro karenze", ko yishimiye ko yavuye mu mwanya yari afite.

Mbere yaho ku munsi w’ejo, Mark Esper, umunyamabanga w’ingabo z’Amerika, na we yari yavuze ko adashyigikiye ko ingabo zigabwa mu gusoza imyigaragambyo.

Bwana Esper yavuze ko ikoreshwa ry’abasirikare basanzwe mu kazi (batandukanye n’inkeragutabara) mu gusoza imyigaragambyo, kuri ubu bitari ngombwa.

Ayo magambo ye bizwi ko atashimishije ibiro bya perezida bya White House.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Perezida Trump yateranye amagambo na perezida Xi Jinping mu nama ya...

Ubushyamirane hagati y’Amerika n’Ubushinwa bwigaragaje mu nama rusange...
23 September 2020 Yasuwe: 1415 0

Amerika yahakanye ibyo gushinga ibirindiro bya gisirikare mu...

Nk’uko byakomeje guhwihwiswa ku mbuga nkoranyambaga mu mpera z’icyumweru...
22 September 2020 Yasuwe: 5540 0

DR Congo: Perezida Tshisekedi yagiranye ibiganiro na Kabila yasimbuye ku...

Perezida wa Repubulika Iharanira demokarasi ya Congo Félix Tshisekedi...
22 September 2020 Yasuwe: 1491 0

Burundi:Brig. Gen. Athanase Kararuza yiciwe hamwe n’umuryango we,abafite...

Brig. Gen. Athanase Kararuza wari umujyanama wa Visi Perezida wa Repubulika...
22 September 2020 Yasuwe: 9185 0

UN irizihiza imyaka 75 imaze ishinzwe -N’iki gikomeye yagezeho...

Umuryango w’abibumbye ku isi, ONU cyangwa UN, ibihugu biwugize uyu munsi...
21 September 2020 Yasuwe: 342 0

Joseph Kabila ari mu nzira yo gusubirana ubutegetsi – Minisitiri Claude...

Minisitiri w’Ibidukikije n’Iterambere rirambye muri Repubulika Iharanira...
19 September 2020 Yasuwe: 3268 1