Kigali

Visi Perezida wa Kenya yise irahira rya Odinga igitaramo cy’ urwenya

Amakuru   Yanditswe na: Nsanzimana Ernest 1 February 2018 Yasuwe: 1294

Willam Ruto, Visi Perezida wa Kenya yavuze ko umuhango wabaye ku munsi w’ ejo tariki 31 Mutarama 2018 w’ irahira rya Raila Odinga ari igitaramo cy’ urwenya ‘Comedy show’.

Raila Odinga ni umunyapolitiki utavuga rumwe n’ ubutegetsi, amatora ya mbere yabaye ku kwezi kwa Kanama 2017 ibyayavuyemo biteshywa, nyuma hakorwa andi matora Raila yanga kuyitabira. Raila avuga ko icyatumye atitabira amatora ya kabiri ari uko yari yasabye ko bamwe mubakozi ba komisiyo y’ amatora bakurwa kuri iyi komisiyo ntibikorwe.

Nubwo Raila yanze kwitabira aya matora ya kabiri ntibyamubujije gutegura umuhango kurahirira kuyobora Kenya nubwo Uhuru Kenyatta watowe n’ abaturage yari yamaze kurahira.

Uku kurahira kwa Raila Odinga nibwo visi Perezida wa Kenya William Ruto yise igitaramo cy’ urwenya.

Ibi Ruto abitangaje nyuma y’ umunsi umwe Odinga arahiye. Irahira rya Odinga ryatumye amateleviziyo atatu Citizen TV, KTN, NTV afungwa azira gutangaza uyu muhango.

Uretse aya mateleviziyo yafunzwe magingo aya n’ abadepite bo mu mashyaka atavuga rumwe n’ ubutegetsi bari mu mazi abira ndetse bashobora no gukurikiranwa mu nkiko.

Umuhango w’ irahira rya Odinga wabaye mu mahoro urangira nta maraso amenetse. Gusa mbere y’ uko uyu muhango uba Leta ya Kenya yari yatangaje ko nta muntu uri bwemererwe kugera ku kibuga cya Uhuru Park aho uyu muhango wabereye.

Amakuru aturuka muri Kenya aravuga ko imbuga nkoranyambaga muri Kenya zishobora zigiye gufungwa kugira ngo Raila Odinga atabwe muri yombi.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Madame Louse Mushikiwabo yagize icyo asaba Abanyepolitiki ba...

Umunyamabanga Mukuru w’Umuryango mpuzamahanga w’ibihugu bivuga ururimi rw’...
11 January 2019 Yasuwe: 2335 0

Perezida Kagame n’umufasha we ’Jeanette Kagame’ bambitswe imidali...

Ku mugoroba wo kuri uyu wa Gatatu, i Abidjan muri Côte d’Ivoire, Perezida...
20 December 2018 Yasuwe: 6083 0

Birangiye u Burundi bugiye kwitabira inama ya 20 y’abakuru b’ibihugu bigize...

Leta y’u Burundi yemeye ko izitabira Inama ya 20 y’Abakurub’Ibihugu bigize...
16 December 2018 Yasuwe: 5205 0

Amerika irashinja Ubushinwa n’Uburusiya kubohera Afurika mu madeni

Leta Zunze Ubumwe za Amerika zatangaje ko zigiye kureka ibikorwa...
14 December 2018 Yasuwe: 1495 0

Kongo: Komisiyo y’ amatora yafashwe n’ inkongi hasigaye iminsi 10 ngo...

Mu gitondo cyo kuri uyu wa Kane tariki 13 Ukuboza 2018 ibiro bya Komisiyo...
13 December 2018 Yasuwe: 2492 0

Dr Mukwege afite amakenga ko amatora ya Perezida wa Kongo azateza...

Umunyekongo uherutse kuronka igihembo kitiriwe Nobel, Dr Denis Mukwege,...
11 December 2018 Yasuwe: 2119 0