Mu myigaragambyo y’ abatavugarumwe n’ ubutegetsi bwa Zimbabwe yakurikiye amatora y’ umukuru w’ igihugu humvikanye urusaku rw’ amasasu batatu barapfa.

Sponsored Ad

Iyi myigarambyo yabereye hafi y’ inyubako ndende Samora Machel Avenue iri mu murwa mukuru Harere muri quartier y’ ubucuruzi.

Komisiyo y’ amatora ya Zimbabwe yatangaje ibyavuye muri aya matora bimenyekana bitarenze tariki 4 Kanama uyu munsi ni tariki 2 ariko abatavugarumwe n’ ubutegetsi bavuga ko batsinze amatora Leta ya Zimbabwe ikaba irimo gutinda gutangaza ibyayavuyemo ngo yibe amajwi nk’ uko bitangazwa n’ umukandida-Perezida utavugarumwe n’ ubutegetsi Nelson Chemisa.

Chemisa muri aya matora yari ahanganye bikomeye na Emmerson Mnangagwa bahimba Ngona bashaka kuvuga ko atinyitse, uyu asanzwe ari Perezida w’ inzibacyuho akaba ariwe mukandida Perezida w’ ishyaka riri ku butegetsi Zanu-PF.

Aya matora ya Perezida wa Zimbabwe yarimo abakandida Perezida 23, yabaye abangikanyijwe n’ amatora y’ abadepite. Ibyavuye mu matora bikaba byerekana ko Zanu PF yamaze gutsindira ½ cy’ intebe mu nteko ishinga amategeko.