Raporo nshya ya leta ya Somalia n’umuryango w’abibumbye (ONU/UN) ivuga ko abantu barenga 43,000 bashobora kuba barapfuye muri Somalia mu mwaka ushize, nyuma yuko ibihe by’imvura byinshi bitabayeho.

Sponsored Ad

Raporo nshya ya leta ya Somalia n’umuryango w’abibumbye (ONU/UN) ivuga ko abantu barenga 43,000 bashobora kuba barapfuye muri Somalia mu mwaka ushize, nyuma yuko ibihe by’imvura byinshi bitabayeho.

Ni wo mubare wa mbere utangajwe na leta w’abishwe n’amapfa (izuba ryinshi) muri icyo gihugu cyo mu karere k’ihembe ry’Afurika. Byibazwa ko kimwe cya kabiri cy’abo bapfuye ari abana bari bafite munsi y’imyaka itanu.

Iyo raporo ivuga ko aya makuba ari "kure yo kurangira", ndetse ko abandi bantu bari hagati ya 18,000 na 34,000 bitezwe gupfa mu mezi atandatu ya mbere yo muri uyu mwaka.

Inzara yibasiye Somalia kuva mu mwaka wa 2010 kugeza mu 2012, yishe abantu barenga 250,000.

Mu kwezi kwa mbere, ibiro ntaramakuru Associated Press byasubiyemo amagambo ya Adam Abdelmoula, umukozi wa ONU uhuza ibikorwa byo gutanga imfashanyo muri Somalia, avuga ko abasanzwe batera inkunga ONU "bakarabye intoki zabo nuko bibanda kuri Ukraine".

Iyi raporo yatangajwe ku wa mbere yakozwe ku busabe bw’ishami ry’umuryango w’abibumbye ryita ku bana (UNICEF) na OMS, ikorwa na Kaminuza ebyiri zo mu Bwongereza, London School of Hygiene and Tropical Medicine na Imperial College London.

BBC