Umwe mu bategetsi bo mu Karere ka Tigray muri Ethiopia yahishuye ko abantu bagera ku 1,400 bamaze kwicwa n’inzara nyuma y’uko amahanga ahagaritse imfanshanyo y’ibiribwa yatangaga muri ako Karere.

Sponsored Ad

Gebrehiwet Gebrezgabher yabibwiye BBC ducyesha iyi nkuru ko umubare w’abapfuye ushobora kuba ari munini cyane.

Yavuze ko muri Mata ishami ry’umuryango w’abibumbye ryita ku biribwa, PAM na USAID byahagaritse imfashanyo y’ibiribwa nyuma yo gutahura ko byibwa.

Akarere ka Tigray kibasiwe cyane n’ubucye bw’ibiribwa ubwo intambara yadukaga mu kwezi kw’Ugushyingo 2020 hagati y’ingabo za leta ya Ethiopia n’umutwe wa TPLF (Tigray People’s Liberation Front).

Iyo ntambara yarangiye mu mwaka ushize, binyuze mu masezerano y’amahoro yagizwemo uruhare n’umuryango w’Ubumwe bw’Afurika (AU).

Abantu hafi miliyoni esheshatu babeshejweho n’imfashanyo muri Tigray.

PAM yatangaje ko irimo kwihutisha ibikorwa byo kongera gutanga imfashanyo y’ibiribwa muri Tigray, no gutuma habaho uburyo bukaze bwo kugenzura ko igera ku bayicyeneye cyane kurusha abandi