Kigali

Fagitire umugore wa Trump yishyuye hoteli yo mu Misiri yakangaranyije abantu

Amakuru   Yanditswe na: Nsanzimana Ernest 3 November 2018 Yasuwe: 3600

Ijoro rimwe Melania Trump yaraye mu Misiri yishyuye ibihumbi 95 by’ amadorari ya Amerika, ni ukuvuga arenga miliyoni 80 mu mafaranga y’ u Rwanda nk’ uko byagaragaye muri raporo y’ ayo Amerika yasohoye.

Umugore wa Perezida wa Leta zunze ubumwe za Amerika n’ abari bamuherekeje baraye muri hoteli yo mu murwa mukuru Cairo yitwa Semiramis Intercontinental Cairo. Muri iyi hoteli icumba giciriritse ni amadorali 119 ku ijoro rimwe. Icyumba kigenewe abaperezida ni amadorali 699 habariwemo n’ umusoro w’ amadorali 156,50 nk’ uko bigaragara ku rubuga rw’ iyi hoteli.

Muri 2017 , Ikinyamakuru Fox news cyakoze icyegeranyo kigaragaza ko Melania Trump ariwe mugore wa Perezida wa Leta zunze ubumwe za Amerika ukoresha amafaranga make mu mateka y’ abagore b’ abaperezida ba Amerika babayeho. Gusa ibyo Melania Trump yakoreye mu Misiri byerekanye ibitandukanye n’ ibyari byatangajwe n’ icyo cyegeranyo cya Foxnews.

Mu by’ ukuri yakoresheje aruta ayo umugabo we , Perezida Donald Trump yakoresheje muri Nyakanga 2018, ubwo yasuraga igihugu cya Écosse yishyuye amayero 69 000.

Mu ntangiriro z’ ukwezi kwa 10 nibwo Melania Trump yasuye umugabane wa Afurika. Icyo gihe yasuye ibihugu : Kenya, Malawi, Égypte na Ghana.

Kwishyura iyi hoteli y’ inyenyeri 5 iherereye mu murwa mukuru Cairo byakozwe tariki 30 Nzeli, icyumweru cyose mbere y’ uko Melania Trump agera mu Misiri tariki 6 Ukwakira nk’ uko byatangajwe na Afrikmag.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble kadobey@yahoo.fr

    iyaba mwaguraga nurupfu byarisawa ariko ntirugurirwa ntiruhongerwa

    4 months ago

Inzindi nkuru

Abahanga muri siyansi bamuritse imineke yavuye ku nsina ’zidakenera...

Impuguke zivuga ko imineke ari zo mbuto ziribwa cyane kurusha izindi ku...
14 December 2018 Yasuwe: 3133 0

Shokola nyinshi cyane yafunze umuhanda mu Budage

Abategetsi bo mu nzego z’ibanze mu Budage bavuga ko "shokola ipima toni"...
13 December 2018 Yasuwe: 2279 0

Mozambique yatahuye abakozi ba Leta ibihumbi 30 bahembwaga badakora

Leta ya Mozambique itangaza ko yatahuye abakozi ba baringa barenga ibihumbi...
12 December 2018 Yasuwe: 387 0

Depite Bobi Wine yagaragaje ko Perezida Museveni kuri ruswa atari...

Robert Kyagulanyi, umudepite w’ umuhanzi muri Uganda yavuze ko Perezida...
11 December 2018 Yasuwe: 975 0

Ubufaransa bwisubiyeho ku cyemezo cyo kuzamura imisoro cyateje...

Minisitiri w’Intebe w’Ubufaransa, Edouard Philippe, amaze guhagarika mu gihe...
4 December 2018 Yasuwe: 603 0

Uganda yarekuye imodoka ebyiri z’ u Rwanda yafashe kuva mu mezi 3...

Ikigo cya Uganda gishinzwe imisoro n’ amahoro cyarekuye imodoka ebyiri z’ u...
23 November 2018 Yasuwe: 1318 0