skol
startimes

Umunyarwanda wari wafunzwe kubera inkongi yibasiye katedrali ya Nantes yarekuwe

Amakuru   Yanditswe na: Dusingizimana Remy 20 July 2020 Yasuwe: 768

Umukorerabushake w’impunzi ukomoka mu Rwanda wari watawe muri yombi ngo abazwe ku muriro wibasiye katedrali ya mutagatifu Petero na mutagatifu Pawulo i Nantes yarekuwe nta cyaha arezwe.


Inkongi yashegeshe iyi katedrali mu gitondo cyo ku wa gatandatu, itwika ibice by’amadirishya n’igice kinini cy’imbere muri iyi nyubako.

Uyu mugabo w’imyaka 39 wari wafashwe, akomoka mu Rwanda, ni impunzi mu Bufaransa, ni we wari ushinzwe gufunga iyi nzu ku munsi wari wabanje.

Ubushinjacyaha bwa Nantes buvuga ko uyu mugabo yarekuwe ejo ku cyumweru nijoro.

Pierres Sennès wo mu bushinjacyaha bw’aho yavuze ko kubaza uyu mugabo ari igikorwa gisanzwe cyari kigamije kureba niba nta kidasanzwe cyari cyabayeho.

Uyu mukorerabushake ntabwo yatangajwe amazina.

Bwana Sennès avuga ko bakeka ko uyu ari muriro wacanywe. Ko ari imiriro itatu yacanywe ngo itwike iyi nzu, ubu hakaba hari gukorwa iperereza.

Quentin Chabert, umunyamategeko w’iyi mpunzi, yavuze ko mu gihe yari yafashwe "nta na kimwe kugeza ubu gihuza umukiriya wanjye n’uriya muriro", ko iperereza rigomba gukomeza "hitawe ku burenganzira bwa buri wese cyane cyane ubw’umukiriya wanjye".

Jean-Charles Nowak, umukozi kuri iyi katedrali, yabwiye ikinyamakuru Le Figaro ko uwo mukorerabushake "ari umugabo ukunda umurimo", "wababariye cyane mu Rwanda" - igihugu yavuyemo mu myaka myinshi ishize.

Nyuma y’intambara na jenoside byabaye mu Rwanda mu 1994, hari Abanyarwanda babarirwa mu bihumbi bahungiye mu bihugu bitandukanye by’i Burayi birimo n’Ubufaransa.

Iyi mpunzi ikaba yari mu gihe cyo kongeresha uburenganzira bwayo bwo kuguma mu Bufaransa nk’uko abategetsi babivuga.

Bwana Nowak yagize ati: "Sinibaza na gato ko yaba ari we watwitse katedrali. Ni ahantu akunda cyane".

Ku wa gatandatu, abakozi barwanya umuriro bagera ku 100 babashije kuzimya iyi nzu umuriro utarangiza igice kinini cyayo.

Uyu muriro wabayeho mu gihe hashize umwaka inkongi y’umuriro yangije cyane katedrali ya Notre-Dame i Paris.

Mu ntangiriro y’uku kwezi, Perezida Emmanuel Macron yavuze ko agasongero k’iyi katedrali kakongotse, kazongera kakubakwa uko kahoze, hariho ibihuha ko bashakaga kukubaka mu buryo bugezweho.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Nigeria: Inteko ishinga amategeko yemeje itegeko ryo gushahura abagabo...

Inteko ishingamategeko yo muri leta ya Kaduna mu majyaruguru ashyira...
11 September 2020 Yasuwe: 783 0

Charles Ndereyehe uregwa jenoside wari wafunzwe na polisi y’Ubuholandi...

Charles Ndereyehe, Umunyarwanda utuye mu Buholandi ukekwaho kugira uruhare...
9 September 2020 Yasuwe: 1573 0

Abanyamategeko bashyizweho n’umuryango wa Rusesabagina ngo bamwunganire...

Babiri mu banyamategeko bashyizweho n’umuryango wa Paul Rusesabagina ngo...
8 September 2020 Yasuwe: 4563 1

USA: Abapolisi 7 bahagaritswe ku kazi bazira urupfu rw’umwirabura witwa...

Abapolisi barindwi ba Amerika bahagaritswe mu kazi nyuma y’urupfu...
4 September 2020 Yasuwe: 634 0

Urukiko rusesa imanza rwavuze igihe ruzafata umwanzuro kuri Kabuga...

Urukiko rusesa imanza mu Bufaransa rwavuze ko tariki 30 z’uku kwezi cya...
2 September 2020 Yasuwe: 683 0

umuhungu wa Paul Rusesabagina yarahiriye gukora ibishoboka byose akisubiza...

Nyuma y’aho RIB yerekanye ko yataye muri yombi Paul Rusesabagina kuri uyu wa...
2 September 2020 Yasuwe: 9767 2