Abantu 14 muri Afrika y’Epfo bapfuye bahitanywe n’umwuzure wateye uruzi bari bari gukoreramo ibirori by’urusengero rwabo.
Ku wa gatandatu, bamwe mu bari mu masengesho barenga 30 bari bahagaze ku mabuye y’urutare igihe umuraba w’amazi wabateraga bitunguranye, nk’uko ababibonye babivuga.
Umupasitori yakijijwe n’ishami ry’igiti yafashe akaryizirikaho mu gihe nawe yarimo aratwarwa, nk’uko uyu wabibonye abivuga.
Ku cyumweru nimugoroba, abashinzwe ubutabazi bari bahagaritse ibikorwa byo gushaka ababa (...)

Sponsored Ad

Abantu 14 muri Afrika y’Epfo bapfuye bahitanywe n’umwuzure wateye uruzi bari bari gukoreramo ibirori by’urusengero rwabo.

Ku wa gatandatu, bamwe mu bari mu masengesho barenga 30 bari bahagaze ku mabuye y’urutare igihe umuraba w’amazi wabateraga bitunguranye, nk’uko ababibonye babivuga.

Umupasitori yakijijwe n’ishami ry’igiti yafashe akaryizirikaho mu gihe nawe yarimo aratwarwa, nk’uko uyu wabibonye abivuga.

Ku cyumweru nimugoroba, abashinzwe ubutabazi bari bahagaritse ibikorwa byo gushaka ababa bakiri muri urwo ruzi Jukskei ruri i Johannesburg.

Haracyibazwa irengero ry’abantu batatu ritaramenyekana gusa igikorwa cyo kubashaka kiri gukorwa na polisi hamwe n’igice gishinzwe kuzimya imiriro n’abahanga mu kurokora abatwawe n’inzuzi, kirakomeza kuri uyu wa mbere.

Nyuma yo kubona imirambo ibiri ku wa gatandatu, ejo ku cyumweru babonye iyindi 12, nk’uko Robert Mulaudzi, umuvugizi w’igice gishinzwe ubutabazi mu mujyi wa Johannesburg, yabibwiye abanyamakuru.

Mbere y’aho, yavuze ko abategetsi bari baburiye abaturage ko bakwitonda mu gihe bakorera ibirori muri urwo ruzi cyangwa hafi yarwo,kuko ruzwi ko rukunze guterwa n’imyuzure mu gihe cy’imvura muri Afrika y’Epfo.

Abaturage bacu, cyane cyane abasenga bakora imigenzo nk’iyo, bakunze kujya muri izi nzuzi. Ubutumwa tubaha ni uko bakwiyubaha mu gihe bari muri iyi migenzo”.

Victor Ncube, nawe wari muri ayo masengesho, yabwiye ikinyamakuru cyo muri icyo gihugu, eNCA, ko yashoboye kurokora abantu batanu akabakura muri urwo ruzi bari bamaze gutwarwa kugera kuri metero 100.

Avuga ko abandi rwari rwabagejeje kure ku buryo atari kugera yo ngo agerageze kubarokora.

BBC