Kigali

APR FC yavuze ku gahimbazamusyi ka miliyoni 35 FRW bivugwa ko yemereye abakinnyi ngo batsinde Rayon Sports

Amakuru   Yanditswe na: Dusingizimana Remy 19 December 2019 Yasuwe: 3654

Uyu munsi ku mbuga nkoranyambaga hiriwe amakuru avuga ko abasirikare bakuru mu ngabo z’u Rwanda basuye abakinnyi ba APR FC kuri uyu wa kabiri taliki ya 18 Ukuboza 2019,hanyuma bakabemerera agahimbazamusyi ka miliyoni 35 Frw kugira ngo batsinde mukeba Rayon Sports.



Ubuyobozi bwa APR FC binyuze ku muvugizi wayo, Kazungu Claver, yabwiye IGIHE dukesha iyi nkuru ko aya makuru ari ibihuha aho yemeje ko abakinnyi basanzwe bahembwa buri kwezi kandi ku gihe ku buryo batategerwa gutsinda umukino.

Ati "APR FC ihembera igihe abakinnyi bayo ikanabaha ibyo ibagomba biri mu masezerano nta kindi. Ntabwo abakinnyi ba APR FC bakeneye andi mafaranga kugira ngo batsinde Rayon Sports cyangwa indi kipe.’’

Kazungu yavuze ko ubwo abakinnyi basurwaga n’abasirikare bakuru, yari gahunda yo kubamurikira Umugaba Mukuru w’Ingabo mushya, Gen. Kazura Jean Bosco bitari mu rwego rwo kubashyiriraho amafaranga yo gutsinda Rayon Sports.



Ati "Abakinyi ba APR FC bamurikiwe Umugaba Mukuru w’Ingabo mushya, Gen Kazura Jean Bosco ntabwo yari gahunda yo kubashyiriraho amafaranga kugira ngo bazatsinde umukino wa Rayon.’’

APR FC imaze iminsi yitegurira umukino wa Rayon Sports i Shyorongi,nkuko isanzwe ibigenza no ku yindi mikino.

APR FC niyo iyoboye urutonde rwa Shampiyona n’amanota 34, irashaka kwesura uyu mukeba Rayon Sports irusha amanota atatu kugira ngo iyanikire mu mikino y’igice kibanza cya shampiyona.



Kuwa Gatandatu w’iki Cyumweru nibwo aya makipe yombi akomeye mu Rwanda azesura mu mukino w’umunsi wa 15 wa shampiyona.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Botswana: Inteko ishinga amategeko yose yashyizwe mu kato kubera guhura...

Abadepite bose 57 ba Botswana bagomba kujya mu kato mu gihe cy’iminsi 14...
10 April 2020 Yasuwe: 458 0

Covid 19:Perezida Museveni yateye pompaje 30 mu rwego rwo gushishikariza...

Perezida wa Uganda Yoweli Kaguta Museveni yaciye ibintu ku mbuga...
9 April 2020 Yasuwe: 3722 0

Umugore washyize hanze umubano wa perezida Clinton n’umukobwa wimenyerezaga...

Umukozi wa leta wavuze bwa mbere iby’urukundo rw’ibanga hagati ya Perezida...
9 April 2020 Yasuwe: 4757 0

Umujyi wa Wuhan watangiriyemo COVID-19 abaturage basubiye mu buzima...

Igihugu cy’Ubushinwa cyatangaje kuri uyu wa kabiri ko itegeko cyari...
8 April 2020 Yasuwe: 5343 0

Coronavirus yakoze umuhigo ukomeye wo kwica abantu benshi cyane ku munsi...

Muri Leta zunze ubumwe za Amerika coronavirus yishe abantu 1,736 mu gihe...
8 April 2020 Yasuwe: 8416 1

Burundi: Abantu 4 barafunzwe bazira kunanirwa kwishyura Hoteli baherewemo...

Abarundi bane barimo abagabo batatu n’umugore umwe bafungiwe mu kasho...
7 April 2020 Yasuwe: 3800 1