Burundi: Umubyeyi wa Nyakwigendera Perezida Nkurunziza nawe yapfuye
Yanditswe: Friday 02, Feb 2024
Guverineri w’Intara ya Ngozi Bwana Minani Désiré yatangaje urupfu rwa Nyina wa nyakwigendera Perezida Pierre Nkurunziza,witwa Domitillie Minani, kuri uyu wa gatanu,tariki ya 2 Gashyantare 2024 mu bitaro by’akarere ka Ngozi.
Uyu mubyeyi waherukaga kuvugwa mu bitangazamakuru ubwo we n’umuhungu we barwaraga muri 2020,yahitanwe n’uburwayi muri uyu mwaka.
Madamu Minani ngo yatabarutse mu masaha make cyane yari ageze ku bitaro bya Ngozi agiye kwivuza.
Perezida Ndayishimiye abinyujije kuri X yagize ati "Twakiranye umubabaro urupfu rw’Umuvyeyi w’Imboneza yacu Nyenicubahiro Petero Nkurunziza. Turashimira Imana ko yabaye inkingi y’Umuryango akanashigikira nk’Umuvyeyi Sogokuru wacu mu mabanga yarajejwe yo kurongora Igihugu. Turahojeje Umuryango asize, Imana imwakire mu Bwami bwayo."
Perezida Nkurunziza we yatabarute kuwa 08 Kamena 2020 azize uburwayi nyuma yo kiyobora u Burundi kuva 2005 kugeza 2020.
Domitille Minani,yareze wenyine abana basizwe n’umugabo we Eustache Ngabisha, wari umuyobozi ku bwa Mwambutsa IV, nyuma yaje kwicwa mu bwicanyi bwo mu 1972.
Leave a Reply
Your email address will not be published. Required fields are marked *