Kigali

Ethiopia yageze ikirenge mu cy’ u Rwanda ishyiraho Car free day bwa mbere mu mateka yayo

Amakuru   Yanditswe na: Nsanzimana Ernest 10 December 2018 Yasuwe: 2824

Ku nshuro ya mbere mu mateka ya Ethiopia abaturage babarirwa mu bihumbi bo mu mijyi itandukanye y’iki gihugu, bitabiriye umunsi utarangwamo imodoka, cyangwa Car Free Day mu rurimi rw’Icyongereza, bagenda n’amaguru ndetse bakora n’imyitozo ngororamubiri.

Imihanda minini yo mu murwa mukuru Addis-Abeba yari yafunzwe ubwo Amir Aman, Minisitiri w’ubuzima w’iki gihugu, yayoboraga abitabiriye urugendo rw’amaguru.

Iki gikorwa cyabaye kuri iki Cyumweru tariki 9 Ukuboza 2018, ni ubwa mbere kibaye muri Ethiopia. Abategetsi bavuga ko kigamije kugira ubuzima buzira umuze no kugabanya ihumanya ry’ikirere ritewe n’ibinyabiziga.

Hari n’amahema yari yateguriwe kwisuzumishirizamo ku buntu ku bitabiriye icyo gikorwa cyo kugenda n’amaguru n’imyitozo ngororamubiri.
Umunyamakuru wa BBC Amensisa Negera uri i Addis-Abeba, yavuze ko muri rusange abatuye muri uyu mujyi badasanganwe umuco wo gukora imyitozo ngororamubiri.


Minisitiri Amir wambaye Lunette ngo arashaka ko Abanya-Ethioapia bagira ubuzima buzira umuze

Minisitiri Amir yavuze ko ari kugerageza guhindura ibyo, ndetse yongeyeho ko uyu munsi wa Car Free Day uzajya uba ku Cyumweru cya nyuma cya buri kwezi.

Amir yavuze ko igikorwa cy’uyu munsi, cyabereye mu mijyi irindwi, cyagenze neza.

Yagize ati: "Mwakoze mwe mwese mwitabiriye kandi mugashyigikira iki gikorwa. Dutanga umucyo iyo tugendera hamwe mu rugendo rw’amaguru ndetse tukubaka Ethiopia ifite ubuzima buzira umuze".

Car Free Day mu Rwanda imaze gushing imizi ndetse ubu ntikiba rimwe mu kwezi nk’ uko yatangiye igenda ahubwo isigaye iba kabiri mu kwezi. Niyo siporo ihuza abantu b’ ingeri zose abakuru n’ abato, abakomeye n’ aboroheje.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Aba bantu barimo n’umugore bafashwe basinze mu buryo bukabije kuri...

Polisi y’Igihugu yerekanye abantu bakurikiranyweho ubusinzi ndetse no...
27 December 2018 Yasuwe: 6467 0

Impanuka ikomeye y’imodoka yahitanye abantu 5 abandi barakomereka...

Kuri iki Cyumweru dusoje, mu karere ka Lwengo ho mu gihugu cy’abaturanyi cya...
24 December 2018 Yasuwe: 8963 0

MUKOROGO n’imyambaro migufi ishotora abagabo mu bakobwa biga muri kaminuza...

Imyambaro migufite ku bakobwa ni kimwe mu mico imaze kokama urubyiruko...
23 December 2018 Yasuwe: 4011 1

Ethiopia yageze ikirenge mu cy’ u Rwanda ishyiraho Car free day bwa mbere mu...

Ku nshuro ya mbere mu mateka ya Ethiopia abaturage babarirwa mu bihumbi bo...
10 December 2018 Yasuwe: 2824 0

Abanyeshuri bafite Virus ya SIDA muri Afurika y’ Epfo bashyizeho uburyo...

Abanyeshuri biga muri Kaminuza zo muri Afurika y’ Epfo banduye Virus itera...
9 December 2018 Yasuwe: 6136 0

Barack Obama yavuze amagambo akomeye ku rupfu rwa George H.W. Bush wabaye...

Barack Obama umwirabura wa mbere yabaye Perezida wa Leta zunze ubumwe za...
1 December 2018 Yasuwe: 5208 0