skol
Kigali
startimes

Indege 2 zagonganiye mu kirere abantu 05 bahita bahasiga ubuzima

Amakuru   Yanditswe na: Dusingizimana Remy 11 October 2020 Yasuwe: 4036

Indege ebyiri ntoya zagonganiye mu kirere mu burengerazuba bw’Ubufaransa, abantu batanu bahita bahasig ubuzima nk’uko bitangazwa n’abategetsi.


Izi ndege zagonganiye mu majyepfo y’umujyi wa Tours ejo ku wa gatandatu mu masaha y’umugoroba.

Abashinzwe ubutabazi, harimo n’abashinzwe kuzimya umuriro bagera kuri 50 bahise bahagera, bazimya aho izo ndege zahanukiye.

Nta wundi muntu wapfuye cyangwa ngo akomereke izo ndege zimaze gukora impanuka.

Indege ntoya yarimo abantu babiri yaguye ku ruzitiro rw’inzu mu mujyi wa Loches uri ku birometero hafi 46 mu majyepfo y’umujyi wa Tours.

Umwe mu babonye ibyabaye yabwiye ibiro ntaramakuru AFP ko imwe yakoreye impanuka ku nsinga z’amashanyarazi ihita ishya.

Iyindi nini ya DA40 ya kompanyi Diamond, yaguye kuri metero zirenga gato ijana, ahantu hataba abantu, ikaba yarimo ba mukerarugendo batatu.

Umwe mu bayobozi b’akarere Nadia Seghier yabwiye AFP ati: "Abo bantu batanu bose bapfuye".

Nta bisobanuro byatanzwe muri ako kanya ku bijyanye n’imyirondondoro y’abo bantu bahasize ubuzima cyangwa icyateye iyi mpanuka.

Igipolisi cyo muri ako karere cyahise gitangira iperereza.

Utwo turere byabereyemo twafunzwe, abahatuye basabwa kuguma mu mazu yabo.

Genevieve Allouard-Liebert, umwe mu babibonye, akaba asanzwe aba muri ako karere, avuga ko yumvise ikintu gikubise cyane igihe izo ndege zagwaga hasi. Avuga ko we n’umugabo we babonye umugabo ahanutse ava muri iyo ndege nini igihe yarimo kugwa ku bisenge by’inzu hafi yabo.

Impanuka nk’izi aho indege zigonganira mu kirere ntakunze kuboneka. Iheruka mu Bufaransa kandi yari ikomeye ni iyabaye mu karere ka Quiberon Bay mu 1998, igihe indege ya Beechcraft 1900D yagonganaga n’indi ntoya, abantu 15 bakaba ari bo bapfuye.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

New Zealand: Batoye itegeko ryemera ko abantu bafashwa gupfa igihe barembye...

Abaturage ba New Zealand/ Nouvelle Zelande batoye ku bwiganze bemera...
30 October 2020 Yasuwe: 392 0

Perezida Macron yashyizeho ’guma mu rugo’ ya kabiri mu Bufaransa

Perezida Emmanuel Macron w’Ubufaransa yaraye atangaje ingamba za ’guma mu...
29 October 2020 Yasuwe: 858 0

NASA yavumbuye ku kwezi ikintu gifitiye akamaro kanini abatuye...

Ikigo cy’ubushakashatsi mu isanzure cya leta ya Amerika, NASA, cyatangaje...
27 October 2020 Yasuwe: 1786 0

Poland: Abashyigikiye gukuramo inda bafunze imihanda bamagana icyemezo...

Abantu babarirwa mu bihumbi bafunze imihanda mu bice bitandukanye bya...
27 October 2020 Yasuwe: 505 0

Uruhinja rwabonetse ku kibuga cy’indege bituma abashinzwe umutekano basuzuma...

Leta ya Australia ivuga ko irimo gusaba ibisobanuro leta ya Qatar ku makuru...
26 October 2020 Yasuwe: 3363 0

Umukunzi wa Jamal Khashoggi yareze igikomangoma cya Saudi Arabia

Umukunzi w’umunyamakuru wo muri Arabie saoudite Jamal Khashoggi yatanze...
21 October 2020 Yasuwe: 673 0