Kigali
startimes

Indege ikoreshwa mu gushimisha abantu yagwiriye inzu ituwe ihitana umuntu

Amakuru   Yanditswe na: Dusingizimana Remy 18 May 2020 Yasuwe: 1819

Kugeza ubu umuntu umwe niwe watangajwe ko yapfuye ubwo imwe mu ndege zikoreshwa mu gushimisha abantu yahanutse ikitura ku rugo rutuwe.



Uwapfuye ni umwe mu bari bayitwaye, naho uwo bari bafatanyije yakomeretse ubwo iyi ndege yagwaga ku nzu iri mu mujyi wa Kamloops mu ntara ya British Columbia.

Amashusho yafashwe agaragaza ko umupilote wayo umwe yabashije kuyivamo itarisekura hasi.

Iyi ndege yarimo iguruka mu mu myiyereko ishimishije yo "guha icyubahiro Abanyacanada bari mu bikorwa byo kurwanya Covid-19" nk’uko bitangazwa n’urubuga rw’ikipe y’abazigurutsa.

Bene izi ndege zishimisha abantu kuko zikaraga mu buryo butangaje mu kirere. Uku guhanuka kwayo kwabaye ejo ku cyumweru hashize umwanya muto ihagurutse ngo yiyerekane.

Igisirikare kirwanira mu kirere cya Canada cyatangaje kuri Twitter ko "kibabajwe no kumenyesha ko umwe mu batwara indege za CF Snowbirds yapfuye undi agakomereka bikomeye".

Nyuma iki gisirikare cyatangaje ko uwakomeretse ibikomere bye bidashobora kumuhitana.

Videwo yashyizwe kuri Twitter yerekana indege ebyiri ziguruka mbere y’uko imwe ifatwa n’inkongi.

Umwe mu wabonye uko byagenze yabwiye CBC ati: "Imwe yakomeje indi tubona imyotsi ku mpande ebyiri, umwe wabonaga ari umwotsi undi ari ikibatsi cy’umuriro"

Yavuze ko yahise ihanuka maze bakabona umwotsi mwinshi w’umukara uzamuka.

Iyi ndege yikubise ku nzu ariko igwa mu busitani bw’imbere y’inzu ituwe, abayibamo basohoka biruka bagerageza kuyizimya.

Kenny Hinds utuye hafi y’aho yaguye yabwiye Associate Press ati: "Nahise niruka njyayo mpagera hashize nk’umunota umwe iguye, nasanze abahatuye bari kugerageza kuyizimya kuko yanikubise ku nzu".

Yongeraho ati: "Urebye igice kinini cyayo cyaguye imbere y’inzu ariko ibaba cyangwa ikindi gice byinjiye mu gisenge".

Amafoto y’ibinyamakuru muri Canada yerekana umutaka wo mu ndege ku gisenge cy’inzu.

Mu kwezi kwa cumi, indege nk’iyi yaguye mu gace kadatuwe i Atlanta muri Amerika gusa umupilote yabashije kuyivamo itarisekura hasi.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Burundi: Umugore wa Perezida Ndayishimiye yahembye umugore wabyaye abana 3...

Umugore wa Perezida w’u Burundi witwa Angélique NDAYISHIMIYE yagaragaye ku...
12 July 2020 Yasuwe: 2652 0

Donald Trump wasuzuguraga cyane agapukamunwa yavuye ku izima...

Perezida Donald Trump wa Leta Zunze Ubumwe z’Amerika yambaye agapfukamunwa...
12 July 2020 Yasuwe: 1076 0

Ubushakashatsi bwagaragaje ko Coronavirus yandurira mu mwuka

Ubu bushakashatsi bwagaragaje ko Coronavirus yandurira mu mwuka mu gihe...
11 July 2020 Yasuwe: 1880 0

Hasohotse inyandiko nshya zivuga birambuye ibihe bya nyuma bya George...

Inyandiko z’urukiko zivuga uburyo George Floyd yatakambye akanavuga amagambo...
9 July 2020 Yasuwe: 1204 0

Abantu 5 batawe muri yombi bazira gutegura umugambi wo gushaka umukobwa...

Muri Kenya haravugwa inkuru y’abantu batanu batawe muri yombi bazira...
9 July 2020 Yasuwe: 1259 0

Minisitiri w’intebe wa Côte d’Ivoire yatabarutse avuye mu nama

Minisitiri w’intebe wa Côte d’Ivoire,Amadou Gon Coulibaly yaraye apfuye nyuma...
9 July 2020 Yasuwe: 787 2