skol
Kigali
startimes

Kenya: Abasirikare bitabajwe mu rugamba rwo kuzimya inkongi y’umuriro yafashe pariki ya Tsavo

Amakuru   Yanditswe na: Dusingizimana Remy 10 August 2020 Yasuwe: 534

Igisirikare cya Kenya cyohereje ingabo muri Tsavo West National Park gufasha abazimya umuriro bari kugerageza kuva kuwa gatandatu ubwo umuriro ukomeye wongeye kwibasira iki cyanya.


Amafoto amwe yagaragajwe ku mbuga nkoranyambaga yerekana inyamaswa zahiye ubwoba ziri mu cyanya cyahiye.

Ikigo gishinzwe ibyanya n’urusobe rw’ibinyabuzima cya Kenya cyahamagariye abakorerabushake kuza gutanga ubufasha bwabo mu kuzimya uyu muriro.

Abasirikare bari gukoresha za kajugujugu banyanyagiza amazi ku bibatsi by’umuriro. Barafatanya n’amagana y’abakorerabushake nabo bari hasi bahangana n’umuriro.

Polisi ivuga ko iri guhiga abantu bashinjwa gushumika iyi nkongi yongeye kugaragara cyane kuva kuwa gatandatu.

Gusa mu kwezi gushize ibice bitatu by’iyi pariki ya Tsacvo iri mu majyepfo ashyira uburasirazuba bwa Kenya, nabwo yibasiwe n’inkongi.

Iyi pariki ibamo amagana y’intare, inzovu n’imbogo, ni ahantu hakurura abakerarugendo benshi barimo n’abava mu mahanga, buri mwaka.

Uyu muriro uzahaje iki cyanya mu gihe leta ya Kenya iri kugerageza kuzahura urwego rw’ubukerarugendo rwahombye miliyoni nyinshi z’amadorari kubera Covid-19.

Iri shyamba ryo muri Kenya ryiyongereye kuri Amazon yo muri Amerika y’Amajyepfo yahiye mu mwaka ushize ndetse n’inkongi ikomeye yibasiye Australia nayo muri 2019 no mu ntangiriro z’uyu mwaka.

Ishyamba rya kimeza rinini ku isi,Amazon, rifite umwihariko wo kuba icumbi ry’ibinyabuzima by’amoko menshi cyane, ndetse rikaba ryakira karubone nyinshi isi yohereza mu kirere ryahiye mu mwaka ushize isi yose icika ururondogoro.

Gushya ku iri shyamba byateye inkeke abatuye isi muri rusange, ibyamamare n’abakire batandukanye batanga akayabo kugira ngo barizimye.

Iri shyamba rikora ku bihugu bitandukanye byo muri Amerika y’Amajyepfo ariko igice kinini giherereye mu majyaruguru y’uburengerazuba bwa Brazil. Igice cyerekeye kuri Brazil nicyo cyahiye cyane.

Kuva muri Nzeri umwaka ushize wa 2019, igihugu cya Australia cyafashwe n’inkongi y’umuriro ku gice cyacyo kinini, haba mu mashyamba ndetse no mu mijyi ituwe n’abantu benshi,bituma abantu benshi bahasiga ubuzima abandi basigwa iheruheru.

source:BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Joe Biden yavunitse ikirenge ari gukina n’imbwa ye bituma afatirwa icyemezo...

Joe Biden,uheruka gutorerwa kuyobora Leta Zunze Ubumwe za Amerika,...
30 November 2020 Yasuwe: 4880 0

Kenya: Umugabo yapfuye bitunguranye ari mu modoka itwara abagenzi

Abagenzi bari mu modoka itwara abagenzi mu murwa mukuru Nairobi wa Kenya...
25 November 2020 Yasuwe: 1116 0

Umukwe wa Perezida Habyarimana ushinjwa kugira uruhare muri Jenoside...

Ntilivamunda Alphonse, umukwe wa Perezida Juvenal Habyarimana, yapfuye ku...
19 November 2020 Yasuwe: 5847 0

Umudipolomate w’Ubwongereza mu Bushinwa yakoze benshi ku mutima kubera...

Nubwo ari umunyacyubahiro,Bwana Stephen Ellison,uherutse koherezwa...
17 November 2020 Yasuwe: 4071 0

Umusaruro w’urukingo rwa Covid-19 uzatangira kwigaragaza cyane ku mpeshyi...

Umusaruro w’urukingo rwa Covid-19 uzatangira kwigaragaza cyane ku mpeshyi...
17 November 2020 Yasuwe: 524 0

Kenya: Covid-19 yishe abaganga 10 mu minsi 4, none bagiye kwigaragambya

Ihuriro ry’abaganga muri Kenya ryaburiye leta ko mu minsi 21 rizakora...
16 November 2020 Yasuwe: 569 0