skol
Kigali
startimes

Libani: Abantu barenga 30 bapfiriye mu guturika gukomeye kwabereye mu mujyi wa Beirut

Amakuru   Yanditswe na: Dusingizimana Remy 4 August 2020 Yasuwe: 1685

Minisitiri w’Ubuzima wa Libani Hamad Hassan aratangaza ko abantu barenga 30 aribo bamaze kumenyekana ko bapfuye abandi bagera kuri 2500 bakaba bakomereyeke mu guturika gukomeye kwabereye mu murwa mukuru wa Libani, Beirut.


Amashusho yakwirakwiye ku mbuga nkoranyambaga arerekana umwotsi mwinshi, n’inkongi y’umuriro y’ahabereye uko guturika, hamwe n’amazu menshi yabomotse.

Hari n’amashusho yerekana abakomeretse.

Minisitiri w’umutekano mu gihugu wa Libani yavuze ko Mohammed Fehmi ibi biturika byaba byatumye n’ibikoresho biturika cyane byari bibitswe mu mujyi wa Beirut.

Umukuru w’ikigo gishinzwe umutekano Abbas Ibrahim yavuze ko ibi bikoresho byaturitse bishobora kuba byari bimaze imyaka myinshi.

Minisitiri w’Intebe w’icyo gihugu Hassan Diab yatangaje ko uretse abapfuye hari kandi n’abandi benshi bakomeretse. Yatangaje ko ku munsi w’ejo ku wa gatatu uzaba uw’icyunamo.

Umukuru w’umuryango wa Croix Rouge muri icyo gihugu, Georges Kettaneh, avuga ko kugeza ubu bigoye kumenya abakomeretse kuko hari abagwiriwe n’amazu yasenyutse.

Imbangukiragutabara nizo zakomeje gucaracara zijya gutabara abakomeretse.

Kugeza ubu icyateye uwo muriro ntikiramenyekana, ariko abategetsi benshi bumvikanye bavuga ko uwo muriro waturutse mu nzu y’ububiko bw’ibikoresho biturika. Umutingito wumvikanye ku birometero cumi uvuye aho byabereye.

Abashinzwe ubutabazi barimo kugerageza gutabara abahuye n’ibyago, ibinyamakuru byo muri icyo gihugu nabyo bikerekana amafoto y’abagwiriwe n’ibintu bitandukanye.

Abategetsi bo hirya no hino ku isi bagize icyo bavuga kuri ibi byago, aho abenshi bihanganishije igihugu cya Libani.

Umukuru w’igihugu cya Misiri, Abdul Fattah al-Sisi avuga ko ababajwe n’ibyaye muri Libani akavuga ko yifatanyije na bagenzi babo ba Libani.

Ubuyobozii bwa Perezida Donald Trump wa Leta Zunze Ubumwe za Amerika bwavuze ko burakomeza gukurikiranira hafi .

Umuyobozi wa EU , Charles Michel , nawe yihanganishije Abanyalibani ndetse yiyemeza ko umuryango w’Ubumwe bw’Uburayi witeguye gufasha.

Ubufaransa hamwe na Cyprus nabo batangaje ko biteguriye gufasha icyo gihugu.

Minisitiri w’Intebe wa Irani, Javad Zarif,yihanganishije Abanyalibani, abemerera ko Irani yiteguriye gutanga ubutabazi.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ibaruwa irimo uburozi bwa ’ricin’ yari igiye guhabwa Trump muri White...

Ubutumwa burimo uburozi bwa ’ricin’ bwari bwohererejwe Perezida Donald Trump...
20 September 2020 Yasuwe: 2131 0

Indonesia: Abafashwe banze banze kwambara agapfukamunwa bari gutegekwa...

Mu cyaro kimwe cyo mu gihugu cya Indonesia,abaturage bari gufatwa batambaye...
18 September 2020 Yasuwe: 726 0

Tanzania: Abana 10 bapfiriye mu muriro wafashe inzu bararaGAmo ku ishuri...

Abana 10 bapfiriye mu muriro watwitse inzu bararamo mu gicuku cy’uyu munsi...
14 September 2020 Yasuwe: 701 0

RDC: Ibirombe byagwiriye abantu 50 bose bahita bahasiga ubuzima

Ibirombe 3 byacukurwagamo Zahabu mu gace kitwa Kamituga muri RDC byagwiriye...
12 September 2020 Yasuwe: 825 0

Kugeza urukingo rwa Coronavirus ahatandukanye ku isi ’bizasaba indege 8000...

Urwego rw’ubwikorezi bwo mu ndege ruvuga ko kugeza urukingo rwa coronavirus...
10 September 2020 Yasuwe: 1963 0

Australia: Umugabo warimo aserebeka ku nyanja yishwe n’igifi cya...

Umugabo wo muri Australia yishwe n’ifi yo mu bwoko bwa Shark ku mwaro...
9 September 2020 Yasuwe: 1349 0