skol
Kigali
startimes

Mali: Ibrahim Boubacar Keïta wahiritswe ku butegetsi yagiye kwivuriza muri UAE

Amakuru   Yanditswe na: Dusingizimana Remy 6 September 2020 Yasuwe: 664

Ibrahim Boubacar Keïta, wahiritswe ku butegetsi muri Mali mu kwezi gushize kwa munani, yaraye agiye muri Emira Zunze Ubumwe z’Abarabu (UAE) kwivuza indwara y’imitsi yo mu bwonko.


Bwana Keïta w’imyaka 75, yari amaze iminsi itatu arwariye ku ivuriro ryigenga ryo mu murwa mukuru Bamako.

Abakora ku kibuga cy’indege i Bamako bemeje ko indege yari arimo yahagurutse mu ijoro ry’ejo ku wa gatandatu, nkuko umunyamakuru wa BBC Seydina Alioune Djigo uri muri Afurika y’uburengerazuba abivuga.

Yagiye kuvurirwa mu bitaro by’i Abu Dhabi mu murwa mukuru wa UAE.

Kumwemerera kuva muri Mali byavuye mu biganiro hagati y’agatsiko k’abasirikare kamuhiritse ku butegetsi n’imiryango mpuzamahanga.

Mbere, ako gatsiko n’umuryango w’ubukungu uhuza ibihugu by’Afurika y’uburengerazuba (CEDEAO/ECOWAS) bari bemeranyijwe ko amara ukwezi kumwe mu gihugu mbere yuko yajya kwivuriza hanze.

Ariko, kuva Bwana Keïta yajyanwa mu ivuriro ryigenga ry’i Bamako muri iki cyumweru kubera indwara y’imitsi yo mu bwonko, abahagarariye CEDEAO, umuryango w’abibumbye n’umuryango w’ubumwe bw’Afurika basabye ko ahabwa uruhushya rwo kujya hanze.

Byemezwa ko CEDEAO yanditse ibaruwa yizeza ko uwo wahoze ari perezida wa Mali azitaba ubucamanza bw’iki gihugu niburamuka bumuhamagaje mu gihe kiri imbere.

Bwana Keïta yavuye muri Mali ku munsi nyirizina agatsiko k’abasirikare kamuhiritse ku butegetsi katangijeho ibiganiro ku nzibacyuho (cyangwa imfatakibanza mu Kirundi) igamije kugeza ku butegetsi bwa gisivile.

Kuva ejo ku wa gatandatu, abantu barenga 500 bitabiriye ibyo biganiro bari kwiga ku buryo hasubiraho ubutegetsi bwemewe n’itegekonshinga. Ibi biganiro bizarangira ku itariki ya 12 y’uku kwezi kwa cyenda.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Joe Biden yagaragaye mu ruhame yambaye inkweto zambarwa n’abavunitse nyuma...

Perezida watowe muri Leta Zunze Ubumwe za Amerika, Joe Biden, yagaragaye mu...
2 December 2020 Yasuwe: 2153 0

Joe Biden yavunitse ikirenge ari gukina n’imbwa ye bituma afatirwa icyemezo...

Joe Biden,uheruka gutorerwa kuyobora Leta Zunze Ubumwe za Amerika,...
30 November 2020 Yasuwe: 4893 0

Kenya: Umugabo yapfuye bitunguranye ari mu modoka itwara abagenzi

Abagenzi bari mu modoka itwara abagenzi mu murwa mukuru Nairobi wa Kenya...
25 November 2020 Yasuwe: 1129 0

Umukwe wa Perezida Habyarimana ushinjwa kugira uruhare muri Jenoside...

Ntilivamunda Alphonse, umukwe wa Perezida Juvenal Habyarimana, yapfuye ku...
19 November 2020 Yasuwe: 5863 0

Umudipolomate w’Ubwongereza mu Bushinwa yakoze benshi ku mutima kubera...

Nubwo ari umunyacyubahiro,Bwana Stephen Ellison,uherutse koherezwa...
17 November 2020 Yasuwe: 4085 0

Umusaruro w’urukingo rwa Covid-19 uzatangira kwigaragaza cyane ku mpeshyi...

Umusaruro w’urukingo rwa Covid-19 uzatangira kwigaragaza cyane ku mpeshyi...
17 November 2020 Yasuwe: 524 0