skol
Kigali
startimes

Perezida Magufuli yakiriye ikigori cyokeje yahawe n’umuturage ubwo yari mu rugendo ahita akirya [AMAFOTO]

Amakuru   Yanditswe na: Dusingizimana Remy 5 August 2020 Yasuwe: 3821

Nyuma yo guhabwa inkoko n’umuturage akayakira,Perezida Magufuli yahawe ikigori n’umuturageubwo yari mu rugendo ahita akirira imbere y’abantu nta kwishisha cyangwa gukeka ikintu kibi.


Perezida Magufuli ukunzwe muri Tanzania,yahawe iki kigori ari mu rugendo rwerekeza muri Dodoma.

Dr. Pombe Magufuli yahagaze mu nzira asuhuza abacuruzi baciriritse bo mu gace ka Dumila mu Karere ka Mvomelo mu Ntara ya Morogoro aribwo umwe yavuye mu bandi amuzanira ikigori yari amaze kotsa,nawe ntiyazuyaza arakirya.

Perezida Magufuli yasezeranyije aba bacuruzi bamuzimaniye kubaha miliyoni 100 z’amashilingi ya Tanzania azakoreshwa mu kuvugurura ahantu bakorera hakaba hanini kurushaho.

Perezida Magufuli yemereye bariya baturage ba Dumila, kwagura umuhanda wabo dore ko ari wo werekeza Dodoma. Yahise akomeza urugendo rwe aho yari avuye i Dar Es Salaam agana Dodoma.

Kuwa 20 Nyakanga 2020, Perezida Magufuli yategewe mu nzira n’umuturage amuha ishimwe ry’inkoko ubwo yahagarara ku muhanda kugira ngo asuhuze abatuye mu gace ka Somanga mu majyepfo ya Tanzania bari bamutegerereje ku muhanda.

Uyu muturage yari ku muhanda ari kumwe n’abandi bari bamutegereje,abwira Perezida ko iryo shimwe yarishyira mama we kubera ko yamureze neza.

Perezida Magufuli w’imyaka 60 y’amavuko uri ku butegetsi kuva mu 2015,aherutse gutorerwa kongera kwiyamamariza manda ya kabiri y’imyaka itanu - ari nayo ya nyuma yemewe n’itegekonshinga rya Tanzania n’ishyaka rye CCM.

Perezida Magufuli ashimagizwa na benshi ku kuyobora ibikorwa byinshi by’iterambere, ariko abamunenga barimo n’imiryango iharanira uburenganzira bwa muntu bavuga ko yakoresheje umwanya we mu gutoteza abatavuga rumwe na we no guhonyora ubwisanzure bw’itangazamakuru.


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Indonesia: Abafashwe banze banze kwambara agapfukamunwa bari gutegekwa...

Mu cyaro kimwe cyo mu gihugu cya Indonesia,abaturage bari gufatwa batambaye...
18 September 2020 Yasuwe: 679 0

Tanzania: Abana 10 bapfiriye mu muriro wafashe inzu bararaGAmo ku ishuri...

Abana 10 bapfiriye mu muriro watwitse inzu bararamo mu gicuku cy’uyu munsi...
14 September 2020 Yasuwe: 683 0

RDC: Ibirombe byagwiriye abantu 50 bose bahita bahasiga ubuzima

Ibirombe 3 byacukurwagamo Zahabu mu gace kitwa Kamituga muri RDC byagwiriye...
12 September 2020 Yasuwe: 790 0

Kugeza urukingo rwa Coronavirus ahatandukanye ku isi ’bizasaba indege 8000...

Urwego rw’ubwikorezi bwo mu ndege ruvuga ko kugeza urukingo rwa coronavirus...
10 September 2020 Yasuwe: 1951 0

Australia: Umugabo warimo aserebeka ku nyanja yishwe n’igifi cya...

Umugabo wo muri Australia yishwe n’ifi yo mu bwoko bwa Shark ku mwaro...
9 September 2020 Yasuwe: 1335 0

"Kungana kw’abagore n’abagabo ntibizigera biba mu Burundi"-Angélique...

Umufasha w’umukuru w’igihugu cy’Uburundi, Angélique Ndayubaha Ndayishimiye...
7 September 2020 Yasuwe: 2603 2