skol
Kigali
startimes

Perezida wa Ukraine yaciwe amande kubera kwica amabwiriza ya Guma mu rugo

Amakuru   Yanditswe na: Dusingizimana Remy 11 June 2020 Yasuwe: 1272

Perezida Volodymyr Zelensky wa Ukraine avuga ko yaciwe amande kubera kurenga mu mategeko ya ’guma mu rugo’ mu rwego rwo kwirinda icyorezo cya coronavirus.


Perezida Zelensky yavuze ko ibyo byabaye ubwo yajyaga mu nzu icuruza ibinyobwa n’ibiribwa byoroheje (café) iri mu mujyi wa Khmelnytsky rwagati muri Ukraine, ku itariki ya 3 y’uku kwezi kwa gatandatu.

Nyuma, ibiro bye byatangaje ifoto imugaragaza ari kumwe n’abandi, anywa ku ikawa - nubwo bwose serivisi zo gushyira abantu ibinyobwa n’ibiribwa bicaye imbere muri ’cafe’ kugeza icyo gihe bitari byemewe.

Nta n’agapfukamunwa yari yambaye.

Avuga kuri ayo mande yaciwe, Perezida Zelensky yagize ati: "Bakoze ikintu gikwiye". Gusa ntiyahishuye umubare w’amafaranga y’amande yaciwe.

Bwana Zelensky, usanzwe ari n’umunyarwenya (comédien/comedian), yanavuze ko hari nubwo yigeze kumva yareka akandura coronavirus ku bushake, nk’uburyo bwo kwereka abaturage ba Ukraine ko iki cyorezo kiriho koko.

Kugeza ubu muri Ukraine habarurwa abantu 29,015 bamaze kwandura coronavirus, muri bo 841 imaze kubica naho 13,257 bamaze kuyikira, nkuko imibare ya Kaminuza ya Johns Hopkins yo muri Amerika ibigaragaza.

Mu mwaka wa 2019 nibwo Volodymyr Zelensky wari umunyarwenya uzwi cyane muri Ukraine,yatowe n’abaturage ngo abe Perezida w’igihugu.

Ibyavuye mu matora yabaye ku cyumweru tariki 21 Mata 2019 byagaragaje ko yabonye amajwi arenga 70 ku ijana (70%).

Bwana Zelensky w’imyaka 41 y’amavuko yabaye uwa mbere mu bakandida 39 bahataniraga umwanya w’umukuru w’igihugu mu matora y’icyiciro cya mbere.

Bwana Zelensly yasigaye ahatanye gusa na Petro Poroshenko wari uyoboye iki gihugu kuva mu 2014 birangira amutsinze. Perezida wa Ukraine atorerwa manda y’imyaka itanu.

Bwana Zelensky nta burambe bwa politiki afite usibye kuba yarerekanye ko muri byendagusetsa ashobora gukina ari Perezida.


Perezida Zelensky (wa kabiri iburyo) yafotowe asoma ku ikawa

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Tanzania: Abana 10 bapfiriye mu muriro wafashe inzu bararaGAmo ku ishuri...

Abana 10 bapfiriye mu muriro watwitse inzu bararamo mu gicuku cy’uyu munsi...
14 September 2020 Yasuwe: 665 0

RDC: Ibirombe byagwiriye abantu 50 bose bahita bahasiga ubuzima

Ibirombe 3 byacukurwagamo Zahabu mu gace kitwa Kamituga muri RDC byagwiriye...
12 September 2020 Yasuwe: 760 0

Kugeza urukingo rwa Coronavirus ahatandukanye ku isi ’bizasaba indege 8000...

Urwego rw’ubwikorezi bwo mu ndege ruvuga ko kugeza urukingo rwa coronavirus...
10 September 2020 Yasuwe: 1910 0

Australia: Umugabo warimo aserebeka ku nyanja yishwe n’igifi cya...

Umugabo wo muri Australia yishwe n’ifi yo mu bwoko bwa Shark ku mwaro...
9 September 2020 Yasuwe: 1303 0

"Kungana kw’abagore n’abagabo ntibizigera biba mu Burundi"-Angélique...

Umufasha w’umukuru w’igihugu cy’Uburundi, Angélique Ndayubaha Ndayishimiye...
7 September 2020 Yasuwe: 2592 2

Mali: Ibrahim Boubacar Keïta wahiritswe ku butegetsi yagiye kwivuriza muri...

Ibrahim Boubacar Keïta, wahiritswe ku butegetsi muri Mali mu kwezi gushize...
6 September 2020 Yasuwe: 658 0