Uyu nyakwigendera yari umugabo w’imyaka 57, akaba yari yagiye mu bitaro bucya ari umwaka mushya, nk’uko biri mu itangazo ryasohowe na Minisiteri y’Ubuzima muri icyo gihugu.

Ejo ku wa mbere, Perezida Wavel Ramkalawan yabwiye abanyamakuru ati: “Ibintu birimo kuba bibi cyane kandi buri muntu agomba kugira amakenga”.

Amakuru aturuka muri Seychelles kandi atangaza ko ku mugoroba wo ku cyumweru, abantu 16 bashya ari bo banduye.

Seychelles n’ikirwa kigizwe n’ibice 115 cyatangaje ko umuntu wa mbere wanduye iki cyorezo ku wa 14 Werurwe umwaka ushize wa 2019. Abagera kuri 322 nibo bamaze kwandura, ariko muri bo 223 barakize.

Mu cyumweru gishize, Leta yafashe ingamba zikomeye zo kwirinda iki cyorezo zirimo gufunga insengero, utubari, amazu yo gukoreramo siporo hamwe n’amashuri, nyuma y’aho bigaragariye ko imibare y’abandura igenda yiyongera.

Hafashwe kandi n’ingamba zo guhagarika urujya n’uruza, abantu bagasabwa gukorera ibikorwa byabo hifashishijwe ikoranabuhanga,uretse ibikorwa bya ngombwa.