Kigali
startimes

Tanzania yatangaje ko isigaranye abarwayi 4 gusa ba Coronavirus

Amakuru   Yanditswe na: Dusingizimana Remy 2 June 2020 Yasuwe: 1823

Minisitiri w’ubuzima wa Tanzania yatangaje ko umubare w’abarwayi ba Covid-19 wagabanutse cyane mu murwa mukuru w’ubucuruzi Dar es Salaam aho ngo basigaye ari bane (4) gusa.



Ikinyamakuru The Citizen cyo muri Tanzania kivuga ko minisitiri Ummy Mwalimu yavuze ko mu bitaro bya Amana hariyo abarwayi batatu naho undi umwe ari mu bitaro bya Mloganzila.

Iki kinyamakuru kivuga ko Madamu Mwalimu yavuze ibi ejo kuwa mbere mu ntara ya Tanga aho yari yajyanye na minisitiri w’intebe Kassim Majaliwa gusura imishinga y’ibikorwa remezo.

Nta rwego rwigenga ruragenzura ibivugwa na leta ya Tanzania kuri iyo mibare ya coronavirus.

Leta ya Tanzania imaze igihe kigera ku kwezi idatangaza imibare mishya kuri iki cyorezo, ubwo baheruka kuyivuga hari abantu 509 bayanduye n’abayikize 183.

Madamu Mwalimu avuga ko mu duce twa Kibaha, Tanga na Mwanza nta murwayi uharangwa ubu.

Gusa asaba abaturage gukomeza kubahiriza ingamba zo kwirinda iki cyorezo nk’uko ikinyamakuru The Citizen gikomeza kibivuga.

Ejo kuwa mbere muri Tanzania amashuri yisumbuye na za kaminuza yongeye gusubukura nyuma y’amezi abiri ahagaritswe kubera coronavirus.

Abatavuga rumwe n’ubutegetsi muri Tanzania banenze ubutegetsi kudafata ingamba zikomeye mu kwirinda ikwirakwira rya coronavirus.

Mu kwezi gushize, ambasade ya Leta zunze ubumwe za Amerika muri Tanzania yasohoye itangazo riburira ko hari ukwiyongera kwihuse kw’iki cyorezo muri Dar es Salaam no mu bindi bice by’igihugu.

Ibi leta yarabihakanye ndetse itumiza umwe mu bategetsi b’iyi ambasade gutanga ibisobanuro.

Kuwa 22 Gicurasi,nibwo Abanyatanzania batangiye igihe cy’iminsi itatu yo gushimira Imana nyuma yaho Perezida John Magufuli atangarije ko ubwandu bwa Covid-19 bwagabanutse mu gihugu.

Perezida Magufuli yashishikarije abaturage gukoresha icyo gihe bagashimira Imana kubera ukuntu yarwanyije iki cyorezo, avuga ko ibi ari ingenzi mu gufasha Tanzania kwirinda coronavirus.

Hashize hafi ukwezi iki gihugu gihagaritse gutangaza amakuru mashya ya buri munsi ajyanye n’umubare w’abanduye.

Byatumye hibazwa byinshi ku ishusho nyakuri y’uko iki cyorezo gihagaze muri iki gihugu.

Bwari ubwa kabiri Perezida Magufuli asabye abaturage ba Tanzania gusenga iminsi itatu, uhereye ku wa gatanu kugeza ku cyumweru.

Kuri iyo nshuro yavuze ko ari uburyo bwo kwereka Imana ko bashima icyo yavuze ko ari igabanuka ry’umubare w’abanduye Covid-19 mu gihugu.

Abategetsi b’inzego z’ibanze barimo Paul Makonda, umukuru w’akerere k’umujyi wa Dar es Salaam we yanasabye abantu ko ku cyumweru bazitabira igikorwa cyo kwishimira irangira rya coronavirus bakajya mu masoko kugura imyenda n’ibindi bakeneye.

Iyo gahunda yo guhura igaragara nk’irenga ku mabwiriza y’ishami ry’umuryango w’abibumbye ryita ku buzima (OMS/WHO) abuza kwegerana mu rwego rwo kwirinda kwiyongera k’ubwandu bwa coronavirus.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Abantu 5 batawe muri yombi bazira gutegura umugambi wo gushaka umukobwa...

Muri Kenya haravugwa inkuru y’abantu batanu batawe muri yombi bazira...
9 July 2020 Yasuwe: 1057 0

Minisitiri w’intebe wa Côte d’Ivoire yatabarutse avuye mu nama

Minisitiri w’intebe wa Côte d’Ivoire,Amadou Gon Coulibaly yaraye apfuye nyuma...
9 July 2020 Yasuwe: 740 2

Birakekwa ko Coronavirus ishobora kuba yandurira no mu mwuka

Ishami ry’umuryango w’abibumbye ryita ku buzima WHO/OMS ryemeje ko hari...
8 July 2020 Yasuwe: 1625 0

Joe Biden yemeje ko natorwa Amerika izarara isubiye muri OMS yakuwemo na...

Perezida Donald Trump yateye intambwe ikomeye, mu buryo bw’inyandiko, ku...
8 July 2020 Yasuwe: 1214 0

Igitera cyahanuye umugabo ku nzu y’amagorofa 4 Imana ikinga ukuboko

Umugabo ukomoka mu gihugu cya Kenya usanzwe akora akazi ko gutwara abagenzi...
8 July 2020 Yasuwe: 2032 0

Perezida wa Brasil Jair Bolsonaro wasuzuguye bikabije Coronavirus...

Perezida wa Brazil witwa Jair Bolsonaro wari umaze igihe kinini asuzugura...
7 July 2020 Yasuwe: 1336 0