Perezid Recep Tayyip Erdogan wa Turukiya yahagaritse kwiyamamaza umwanya muto nyuma y’aho afatiwe n’indwara ari mu kiganiro cyari live kuri TV,gihagarikwa vuba.
Nyuma y’iminota 20 yahise agaruka. Yavuze ko yafashwe “aribwa cyane mu nda” nyuma y’iminsi ibiri yo kwiyamamaza ubutaruhuka.
Perezida Erdogan w’imyaka 69 ari mu kwiyamamaza kwa mbere kutoroshe kugeza ubu.
Umunyapolitike mukuru mu batavuga rumwe n’ubutegetsi Kemal Kilicdaroglu yatoranyijwe kugira ngo yiyamamaze ku izina ry’amashyaka (...)

Sponsored Ad

Perezid Recep Tayyip Erdogan wa Turukiya yahagaritse kwiyamamaza umwanya muto nyuma y’aho afatiwe n’indwara ari mu kiganiro cyari live kuri TV,gihagarikwa vuba.

Nyuma y’iminota 20 yahise agaruka. Yavuze ko yafashwe “aribwa cyane mu nda” nyuma y’iminsi ibiri yo kwiyamamaza ubutaruhuka.

Perezida Erdogan w’imyaka 69 ari mu kwiyamamaza kwa mbere kutoroshe kugeza ubu.

Umunyapolitike mukuru mu batavuga rumwe n’ubutegetsi Kemal Kilicdaroglu yatoranyijwe kugira ngo yiyamamaze ku izina ry’amashyaka atandatu.

Ni umwe mu bayoboye abatavuga rumwe n’ubutegetsi bahise bifuriza umukuru w’igihugu gukira vuba.

Ejo ku wa kane, Minisitiri w’ubuzima Fahrettin Koca yavuze ko amagara y’umukuru w’igihugu yifashe neza, ko yari yagize uburwayi bwa gastro-entérite infectieuse/ infectious gastroenteritis. Yavuze ko vuba atangira ibikorwa bye bya buri munsi.

Imibare y’ikigereranyio iheruka ku bijyanye n’amatora y’umukuru w’igihugu yerekana ko abahiganwa begeranye cyane, aho Kilicdaroglu afite amahirwe menshi yo kuyatsinda.

Aya mbere azaba ku wa 14 Gicurasi,nihabura utsinda habe andi yo gusubiramo nyuma y’ibyumweru bibiri.

Mu ntangiriro, Perezida Erdogan yahagaritse kwiyamamaza incuroeshatu mu ntara ya Anatolia yo hagati (Région de l’Anatolie centrale/Central Anatolia Region) ku wa gatatu, avuga ko abaganga bamuburiye ko yaguma mu rugo.

Nyuma yahagaritse ibikorwa byari bimutegereje ejo ku wa kane, harimo gufungura ikigo cya nikleyeri cya mbere cya Turukiya ahitwa Akkuyu ku nkengero z’ikiyaga cya Mediterranea.

Ahubwo,adakeye mu maso kandi arushye, Erdogan yifatanyije na Vladimir Putin w’Uburusiya mu birori byo kugifungura akoresheje imbuga nkoranyambaga.

Aba bategetsi babiri baganiriye kandi kuri telefone mbere y’ibirori, Moscou ikaba yiyemeje gukomeza ubucuti mu by’ubukungu n’ubucuruzi.

BBC