Muri Uganda, umubare w’abantu bamaze guhitanwa n’icyorezo cya Ebola, umaze kugera kuri 48.
Umuyobozi mu bijyanye n’ubuzima mu bakurikirana iki cyorezo, muri minisiteri y’ubuzima, Henry Kyobe Bosa, uyu munsi kuwa kane, yavuze ko mu bantu 131 bemejweho iyo ndwara, hamaze gupfa 48.
Mu cyumweru gishize, minisitiri w’ubuzima wa Uganda, yari yatangaje ko hapfuye abantu 30 mu 109 basanzwemo indwara ya Ebola.
Mu kwezi gushize, guverinoma yari yavuze ko hari icyizere cy’uko icyorezo cya Ebola (...)

Sponsored Ad

Muri Uganda, umubare w’abantu bamaze guhitanwa n’icyorezo cya Ebola, umaze kugera kuri 48.

Umuyobozi mu bijyanye n’ubuzima mu bakurikirana iki cyorezo, muri minisiteri y’ubuzima, Henry Kyobe Bosa, uyu munsi kuwa kane, yavuze ko mu bantu 131 bemejweho iyo ndwara, hamaze gupfa 48.

Mu cyumweru gishize, minisitiri w’ubuzima wa Uganda, yari yatangaje ko hapfuye abantu 30 mu 109 basanzwemo indwara ya Ebola.

Mu kwezi gushize, guverinoma yari yavuze ko hari icyizere cy’uko icyorezo cya Ebola gishobora guhagarikwa burundu mu gihugu, mbere y’impera z’umwaka.

Abashinzwe ubuzima ku rwego rwo hejuru rw’Afurika, mu cyumweru gishize basanga ko uko ibintu byari bihagaze, “Ebola ntaho yari yajya”.

Iyo virusi ya Ebola, izenguruka muri Uganda, ni iyo mu bwoko bwabonetse muri Sudani, kugeza ubu idafite urukingo rwemejwe, nk’uko biri ku bwoko buheruka muri Repuburika ya demokarasi ya Kongo.

Umuyobozi w’ishami ry’umuryango w’abibumbye ryita ku buzima OMS, Tedros Adhanom Ghebreyesus, hagati mu kwezi gushize kwa cumi, yari yavuze ko inkingo zo ku rwego rw’igerageza ku bwoko bwa Ebola yabonetse muri Sudani, zishobora gutangira kutangwa mu byumweru bike.

IJWI RY’AMERIKA