Kigali
startimes

Umwirabura watabaye umuzungu agiye gupfira mu myigaragambyo yatumye isi yose icika ururondogoro

Amakuru   Yanditswe na: Dusingizimana Remy 15 June 2020 Yasuwe: 20447

Umwirabura wafashwe amafoto ateruye umuzungu avuga ko yari agiye gupfira mu myigaragambyo yashyamiranyije impande 2 mu mujyi wa London yatumye benshi bacika ururondogoro.


Sponsored Ad


Ubwo hari imyigaragambyo yo kwamagana ivanguramoko n’urugomo rukomeje gukorerwa abirabura [Black Lives Matter],abapolisi basakiranye n’abigaragambya biviramo uyu muzungu gukomereka bikomeye ariyo mpamvu uyu mwirabura yamuteruye amujyanye kwitabwaho.

Uyu mwirabura witwa Patrick Hutchinson yavuze ko we na bagenzi be "batabaye umuntu wari ugiye gupfa.

Amafoto ya Patrick Hutchinson ateruye uyu muzungu yaciye ibintu hirya no hino ku isi aho benshi benshi baramushima cyane bavuga ko abirabura bagira umutima mwiza kurusha abazungu.

Iyi foto yazengurutse ku mbuga nkoranyambaga,yatumye benshi bashimangira ko abirabura bakwiriye guhabwa agaciro cyane k obo badahutaza abazungu nkuko bo babikoreye benshi barimo na George Floyd uherutse kwicwa muri USA.

Patrick Hutchinson asobanura iby’iyi foto,yabwiye BBC ko ibintu "byari kuba bibi cyane" iyo batamutabara.

Ati: "Namukuye mu gicucu cy’urupfu ndamuhungisha".

Kuwa gatandatu, umujyi wa Londres hamwe no mu yindi mijyi yo mu Bwongereza habaye imyigaragambyo yo kwamagana ivanguramoko.

Ariko hari ayandi makipe y’abantu ashyira imbere amacakubiri yiyegeranyije mu murwa mukuru, bashyamirana na polisi ndetse na bagenzi babo bamagana ivanguramoko.

Avuga ibyabaga ubwo umunyamakuru wa Reuters yafataga ifoto, Bwana Hutchinson avuga ko yari kumwe na bagenzi be ubwo umwe muri bo yarebaga hejuru akabona abantu bashyamiranye.

Hutchinson ati: "Uwo mugabo yaguye hasi, bagenzi banjye bihutira kumukingira kugira ngo ntibamukandagire".

Mu kubigenza gutyo, bashoboye kumukingira, ninjye wahageze bwa nyuma.Namukuye mu gicucu cy’urupfu ndamutwara ndi kumwe n’aba bagenzi bankikije, bankingira kandi bakingira uyu mugabo kugira ngo adahura n’ayandi mahano".

Avuga ko hari abantu bashakaga kumukubita mu gihe barimo bava aho hantu.

Hutchinson ati: "Njyewe nta kindi natekerezaga,nagize impuhwe mbonye ikiremwamuntu kiryamye hasi. Iyo tutamuba hafi ibintu byari kurangira nabi. Nta kindi cyari mu mutwe uretse gukizaubuzima bw’uyu muntu".

Yongerako ati: "Twakoze icyo twagombaga gukora. Twatabaye umuntu wagombaga kuba yishwe".

Mu mijyi itandukanye ku isi yose, abantu ibihumbi n’ibihumbi bagiye mu myigaragambyo nyuma y’urupfu rw’umunyamerika ukomoka muri Afrika, George Floyd, wishwe n’ umupolisi amutsikamije ivi mu ijosi.

Benshi mu bakoresha imbuga nkoranyambaga bafashe iyi foto batanga ubutumwa bw’uko abantu badakwiriye gukomeza kwimika ivanguramoko.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble DUMBULI

    Mbega ibintu bihabanye kubona ifoto y’umuzungu ushinze ivi umwirabura agapfa ukayigereranya n’indi y’umwirabura uhetse umuzungu ngo amukize ni ubugome buturanye n’ubunyabuntu ni abantu 2 batandukanyeaya mafoto azajye muri museee atanga isomo,

    1 month ago

Inzindi nkuru

Impyisi ziba amafaranga yo kurwanya Covid-19 zigiye gukurikiranwa-Perezida...

Perezida Cyril Ramaphosa w’Afurika y’epfo yaburiye abo yise "impyisi"...
3 August 2020 Yasuwe: 479 0

Uganda: Umukanishi yagonze abana 2 bavukana barapfa ubwo yasuzumaga ko...

Umukanishi wo mu gihugu cya Uganda yishe abana babiri bavukana ubwo...
3 August 2020 Yasuwe: 1097 0

Amakuru y’ibanga agaragaza ukuntu Iran ihishira abicwa na Covid-19 yagiye...

Iperereza ry’ishami rya BBC ritangaza ibiganiro mu rurimi rw’Igiperse...
3 August 2020 Yasuwe: 1187 0

Umupolisi mukuru waherukaga gukora impanuka y’imodoka yasinze yiyahuriye mu...

Umupolisi mukur witwa Fred Amaya wo mu gihugu cya Kenya uherutse kugongesha...
2 August 2020 Yasuwe: 8523 1

Burundi: Perezida Ndayishimiye yagaragaye atwaye ijerekani anasangira...

Ku munsi w’ejo tariki ya 01 Kanama 2020,Perezida Evariste Ndayishimiye yari...
2 August 2020 Yasuwe: 6699 1

OMS yaburiye ibihugu bigize Afurika kwitondera koroshya ingamba zo kwirinda...

Ishami ry’umuryango w’abibumbye ryita ku buzima (OMS/WHO) ryaburiye ko...
1 August 2020 Yasuwe: 1242 0