addresiya
Kigali
startimes

USA: Urukingo rwa mbere rwa Coronavirus rwageragerejwe ku bantu

Amakuru   Yanditswe na: Dusingizimana Remy 17 March 2020 Yasuwe: 1875

Igerageza rya mbere ku bantu ry’urukingo rwo kurinda abantu kwandura coronavirus ryakozwe muri Amerika.



Abarwayi bane batewe inshinge z’uru rukingo ku kigo cy’ubushakashatsi cya Kaiser Permanente kiri i Seattle muri leta ya Washington nk’uko bivugwa n’ibiro ntaramakuru Associated Press.

Uru rukingo ntabwo rushobora gutera Covid-19 ariko rufite igice kirugize cyavanwe muri iyi virus itera iyi ndwara.

Abahanga bavuga ko bizafata amezi menshi kumenya niba uru rukingo, cyangwa izindi ziri mu bushakashatsi, zizakora.

Umuntu wa mbere watewe uru rukingo ejo kuwa mbere, ni umugore wo muri Seattle w’imyaka 43 ufite abana babiri.

Uyu mugore witwa Jennifer Haller yabwiye AP ati: "Aya ni amahirwe akomeye kuri njye yo kugira icyo nkora".

Abashakashatsi ku isi bari gukora iyo bwabaga bashaka urukingo rw’iki cyorezo vuba.

Iri gerageza rya mbere rikorewe ku bantu ni indi ntambwe kuko amagerageza menshi yakorerwaga ku nyamaswa.

Dr John Tregoning, inzobere mu ndwara z’ibyorezo zandura wo muri Imperial College London mu Bwongereza yabwiye BBC ko "uru rukiko rwageragejwe rwifashishije ikoranabuhanga risanzweho".

Ati: "Rukoze mu bintu dusanzwe tuzi ko bitagira ingaruka mbi ku muntu kandi ababigizemo uruhare nabo barakomeza gukurikiranwa.

"Nibyo, birihutisha ubushakashatsi - ariko ntibisanzwe kuri virus".

Inkingo zimeze gutya za virusi, nk’iseru, zikorwa kuri virus zacitse intege cyangwa zapfuye.

Abatewe uru rukingo rwakozwe bazahabwa ingano (dose) zitandukanye zarwo.

Buri wese azaterwa, ku kaboko hagana ku rutugu, inshinge ebyiri mu minsi 28 itandukanye

Abahanga bavuga ko nubwo iri gerageza rya mbere ryatanga umusaruro, bishobora gufata amezi 18 kugira ngo uru rukingo rukwizwe mu bantu.

Inkuru BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Igikomangoma cy’Ububiligi cyanduriye Coronavirus mu birori cyitabiriye mu...

Igikomangoma cyo mu Bubiligi cyanduye coronavirus nyuma yo kwitabira...
31 May 2020 Yasuwe: 618 0

Intare ebyiri zateraniye umugore ushinzwe kurinda icyanya zibamo...

Mu gihugu cya Australia haravugwa inkuru ibabaje y’umurinzi w’icyanya kibamo...
30 May 2020 Yasuwe: 4378 0

Trump yahagaritse imikoranire ya Amerika na OMS ashinja kuba igikoresho...

Perezida Donald Trump wa Leta Zunze Ubumwe z’Amerika yatangaje ko...
30 May 2020 Yasuwe: 659 0

Burundi: Havuzwe impamvu itari Coronavirus yajyanye Denise Nkurunziza muri...

Umwe mu bakora mu biro bya perezida Nkurunziza uyobora u Burundi...
29 May 2020 Yasuwe: 5933 2

Ipusi yavutse ifite amasura 2 yapfuye nyuma y’iminsi 4 irwana intambara...

Biscuits na Gravy, igikundiro cy’ijangwe yavutse ifite amasura abiri,...
29 May 2020 Yasuwe: 2860 0

Umufasha wa Perezida Nkurunziza yafashe indege yerekeza muri Kenya nyuma yo...

Umufasha wa Perezida w’u Burundi, Madamu Denise Nkurunziza wafashe indege...
29 May 2020 Yasuwe: 3039 0