Umutwe ushingiye ku idini rya Islam, al-Shabab washimuse kajugujugu y’ishyiramahwe ONU, hamwe n’abari bayirimo basaga umunani,abagenzi n’abapilote, nk’uko amasoko y’aho byabereye yabibwiye BBC.

Sponsored Ad

Iyi kajugujugu yaguye mu karere kari mu maboko y’uyu mutwe hagati muri Somalia.

Ubutumwa bw’ishyirahamwe ONU muri Somalia (Unsom) bwemeje ko hari "indege yagize ibibazo" bukavuga ko yari indege ya ONU yari itwaye abagiye kuvurwa.

Ubu butumwa ntibuvugamo al-Shabab, ariko buvuga ko "hari ibiganiro bikomeje".

Ubutumwa bwa ONU kuri ibi byabaye bwabonwe n’ibiro ntaramakuru AFP buvuga ko iyi kajugujugu yagize ikibazo igwa ku birometero hafi 70 mu majyepfo ashyira uburasirazuba bwa Dhusamareb kandi ko nta mukozi wa ONU wari uyirimo.

Abari muri yo bari abandi bantu bari bafitanye amasezerano na ONU, nk’uko ubu butumwa bubivuga.

Inkomoko y’aba bantu bari muri iyi ndege ntiyerekanwe,n’umubare wabo. Bivugwa ko umwe mu bagenzi wari uyirimo yishwe abandi babiri bashobora guhunga.

Al-Shabab igenzura uturere tutari duto two mu majyepfo no hagati muri Somalia.

Uyu mutwe ufitanye ubucuti na al-Qaeda kandi umaze imyaka isaga 20 urwanya leta y’iki gihugu.

BBC