startimes
startimes

Abasirikare ba Nigeria na Niger bafatanyije kwica abajura 89 bibaga inka z’abaturage

Amakuru   Yanditswe na: Dusingizimana Remy 26 April 2020 Yasuwe: 1529

Igisirikare cya Nigeria kivuga ko cyishe abajura 89 kivuga ko bagize uruhare mu ruhererekane rw’ibitero byagabwe ku baturage muri leta ya Zamfara iri mu majyaruguru ashyira uburengerazuba bw’igihugu.


Sponsored Ad


Icyo gitero cy’igisirikare cya Nigeria cyanagizwemo uruhare n’ingabo z’igihugu cya Niger bihana imbibi.

Jenerali Majoro John Enenche, umuvugizi w’ingabo za Nigeria, yavuze ko icyo gitero cyanatumye hafatwa imbunda hakanagaruzwa inka 322 zari zaribwe.

Yanavuze ko abantu batanu bari barashimuswe babohojwe.

Igisirikare cya Nigeria cyavuze ko abo bari barashimuswe bagiye gusubizwa mu miryango yabo ndetse n’ibyari byaribwe bigasubizwa ba nyirabyo.

Cyanatangaje ku rubuga rwa Twitter amafoto ya bimwe mu byafashwe, birimo na za moto 77 zagarujwe.

Leta ya Zamfara ihana urubibi na Niger mu majyaruguru.

Imaze igihe iri mu bibazo iterwa n’imitwe yitwaje intwaro yiba inka, igashimuta abantu ikaka amafaranga ngo ibone kubarekura ndetse ikanagaba ibitero ku baturage.

Ibyo byatumye abaturage na bo barema imitwe y’ubwirinzi.

Mu myaka itanu ishize, iyi leta ya Zamfara ndetse na leta ya Kaduna bihana imbibi zakunze kwibasirwa n’ibitero by’imitwe yitwaje intwaro.

Ibice binini by’amajyaruguru ya Nigeria - cyane cyane mu majyaruguru ashyira uburasirazuba - nabyo bimaze imyaka ibarirwa mu icumi byibasiwe n’ibitero by’intangondwa zigendera ku mahame akaze y’idini ya kisilamu.

Igihugu cya Nigeria gituwe cyane muri Afurika kiri mu rugamba rukomeye rwo kwirinda ikwirakwira rya Coronavirus.

Mu cyumweru gishize,muri iki gihugu havuzwe inkuru y’umuganga wishwe na Covid-19 nyuma yo kuyandura mu gihe yarimo kwita ku muntu uyifite wari wagannye ivuriro rye ryigenga.

Uyu muganga yajyanywe mu bitaro bya Kaminuza i Lagos kuwa mbere apfa kuwa gatatu w’icyumweru gishize nk’uko uyobora ibi bitaro Chris Bode yabitangaje.

Bwana Bode avuga ko uyu muganga yagejejwe ku bitaro arembejwe n’ibimeneyetso by’iki cyorezo.

Ishyirahamwe ry’abaganga muri Nigeria ryavuga ko uyu wapfuye, Dr Chugbo Emeka, yanduye ubwo yariho yita ku murwayi wishwe n’iki cyorezo.

Iri shyirahamwe ryavuze kandi ko amakuru rikesha ikinyamakuru Vanguard, ari uko uyu muganga w’imyaka 51 yari asanzwe arwara indwara ya Asthma.

Nigeria irateganya kuzana abaganga 18 bavuye mu Bushinwa bakaza kuyifasha kurwana n’iki cyorezo, gusa bamwe mu baganga bo mu gihugu bagaragaje ko batabyishimiye.

Ishyirahamwe ryabo ryavuze ko hakwiye gukoreshwa abaganga benshi badafite akazi bari mu gihugu.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ingabo za Mozambique ziri kugerageza kwisubiza icyambu cyafashwe...

Ingabo za Mozambique zivuga ko zatangiye imirwano yo kugerageza kwisubiza...
13 August 2020 Yasuwe: 1026 1

Somalia: Imfungwa za Al Shabab zarasaniye muri gereza n’abashinzwe umutekano...

Abantu bagera ku 10 bishwe muri Somalia mu kurasana kwabaye hagati...
11 August 2020 Yasuwe: 838 0

Perezida Trump yasohowe igitaraganya mu kiganiro n’abanyamakuru kubera...

Urwego rw’ibanga rwasohoye igitaraganya Perezida Donald Trump wa Amerika mu...
11 August 2020 Yasuwe: 1844 0

Niger: Abitwaje intwaro bishe Abafaransa batandatu bakorera umuryango...

Abantu bitwaje intwaro ejo ku cyumweru bateye itsinda ry’abakozi b’umuryango...
10 August 2020 Yasuwe: 454 0

Libani: Urugomo rwinshi rwafashije abigaragambya kwinjira muri minisiteri...

Abigaragambya babarirwa muri za mirongo binjiye muri minisiteri y’ububanyi...
8 August 2020 Yasuwe: 1803 0

DR Congo: Umusirikare yasinze bituma yica abantu 12 bihitiraga

Umusirikare wasinze wo muri Repubulika ya Demokarasi ya Kongo yarashe mu...
31 July 2020 Yasuwe: 1871 0