skol
startimes

Armenia – Azerbaijan: Abantu hafi 100 bamaze kwicirwa mu mirwano mu karere ka Nagorno-Karabakh

Amakuru   Yanditswe na: Dusingizimana Remy 29 September 2020 Yasuwe: 921

Abantu bagera hafi ku 100, barimo n’abaturage b’abasivile, ni bo bamaze gupfira mu mirwano ikomeje kuba hagati y’ingabo za Armenia n’iza Azerbaijan zipfa akarere ka Nagorno-Karabakh.


Ako karere k’imisozi gafatwa nk’Azerbaijan, ariko kagenzurwa na Armenia kuva intambara yo mu mwaka wa 1994 yarangira.

Ako karere kifata nka repubulika kamaze gutangaza ko abasirikare 84 bamaze gupfa guhera ku cyumweru, ndetse n’abaturage b’abasivile.

Azerbaijan ntabwo irahishura umubare w’abasirikare bayo bapfuye, ariko yemeje ko abaturage barindwi b’abasivile bayo bamaze gupfa.

Iyi mirwano yatangiye mu minsi itatu ishize, ubu isa nk’iri kurenga ako karere ka Nagorno-Karabakh ijya n’ahandi.

Kuri uyu wa kabiri, minisiteri y’ingabo ya Armenia yatangaje ko imodoka ya bisi itwara abagenzi yakubisweho n’indege nto itarimo umupilote izwi nka ’drone’ ya Azerbaijan, mu mujyi wa Vardenis mu burasirazuba bwa Armenia. Nta bantu bayiguyemo batangajwe.

Mbere yaho, Azerbaijan yari yatangaje ko abaturage babiri b’abasivile bayo biciwe mu kuraswaho na Armenia ejo ku wa mbere, bikurikiye abantu batanu bo muri uwo muryango na bo bishwe ku cyumweru.

Kuva mu mwaka wa 2016, iyi ni yo mirwano ikaze ibayeho hagati y’izi mpande zombi zipfa ako karere.

Biteganyijwe ko kuri uyu wa kabiri akanama k’umutekano k’umuryango w’abibumbye (ONU/UN) gakora ibiganiro byihutirwa kuri iki kibazo.

Armenia na Azerbaijan - byombi byamaze kugaba abandi basirikare ndetse bigatangaza amategeko yo mu bihe by’intambara mu turere tumwe - buri kimwe gishinja ikindi gutangira iyi mirwano.

Hakomeje kwiyongera impungenge ko ibindi bihugu bishobora kwivanga muri iyi mirwano muri aka karere ka Caucase gafatiye runini ibihugu bimwe.

Turukiya yamaze gutangaza ku mugaragaro ko ishyigikiye Azerbaijan, mu gihe Uburusiya - bufite ikigo cya gisirikare muri Armenia - bwasabye ko imirwano ihita ihagarara.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ethiopia: Abiy Ahmed yahaye ingabo za Tigray amasaha 72 ngo zibe zamanitse...

Minisitiri w’intebe wa Ethiopia yahaye amasaha 72 ingabo za leta ya Tigray...
23 November 2020 Yasuwe: 593 0

Ethiopia yashyizeho impapuro zo gufata abasirikare bakuru bacyekwaho...

Leta ya Ethiopia yashyizeho impapuro zo guta muri yombi abasirikare bakuru...
19 November 2020 Yasuwe: 1198 0

Umucuruzi wa serivisi zo guhererekanya amafaranga yafatanywe 100,000 FRW...

Mu gitondo cyo ku wa Kabiri tariki ya 17 Ugushyingo 2020, Polisi y’u Rwanda...
19 November 2020 Yasuwe: 993 0

Ingabo za Ethiopia ziri kujya mu murwa mukuru wa Tigray

Ethiopia ivuga ko ingabo zayo zigaruriye ahantu hanini mu leta ya Tigray...
18 November 2020 Yasuwe: 2931 0

Ethiopia: Abiy Ahmed yatangaje igitero simusiga ku murwa mukuru wa...

Minisitiri w’intebe wa Ethiopia Abiy Ahmed yavuze ko igihe ntarengwa cyari...
17 November 2020 Yasuwe: 2325 0

Ethiopia – Tigray: Ibisasu bya rokete byaguye mu nkengero z’umurwa mukuru wa...

Ibisasu bya rokete byarasiwe mu karere ka Tigray ko mu majyaruguru ya...
15 November 2020 Yasuwe: 1274 0