Amakuru aravuga ko igihugu cya Repubulika ya Demokarasi ya Kongo,yamaze kugura indege zitagira abapilote 4 nshya zo mu bwoko bwa SUKHOI-su 45SM BLUE.

Sponsored Ad

Aya makuru aravuga ko ebyiri muri zo zageze mu ijoro ryakeye ku kibuga cy’indege cya N’djili.

Biravugwa ko izi ndege zaguzwe mu rwego rwo guha umusada ingabo za FARDC n’abambari bazo barimo Ingabo z’u Burundi,SADC,FDLR,Wazalendo na MONUSCO.

Aya makuru ngo yatangajwe n’ishunzwe itangazamakuru mu ishyaka UDPS rya Tshisekedi witwa Serge Kanyinda.

Izi zizanwe nyuma y’uko izitwa CH-4 za FARDC zarashwe zombi na M23 mu kwezi gushize ubwo zagabaga ibitero kuri M23.

Nyuma y’umunsi w’agahenge,mu masaha y’urukerera rwo kuri uyu wa Gatanu, tariki ya 16/02/2024, mu burasirazuba bwa Congo haramukiye imirwano ikomeye hagati ya M23 n’ihuriro ry’Ingabo zirwana ku ruhande rwa Guverinoma ya Kinshasa.

Ni mirwano yabereye mu duce two muri Teritwari ya Masisi no mu bice bikora ku butaka bwo muri teritwari ya Rutshuru, mu Ntara ya Kivu y’Amajyaruguru.

Amakurua aremeza ko urwo rugamba rwabereye mu gace ka Kagano, gaherereye muri muri Gurupoma ya Mupfunyi Matanda , muri Teritwari ya Masisi.

Indi mirwano nanone yabereye mu gace ka Nyenyeri, agace bivugwa ko gatuwe n’abaturage benshi, nk’uko byemejwe n’umuvugizi wa M23 mu bya politike Lawrence Kanyuka, aho yashimangiye ko ihuriro ry’Ingabo z’ubutegetsi bwa RDC bagabye igitero ahitwa Nyenyeri, hasanzwe hatuye abaturage benshi.