skol
startimes

Burundi: Abagore 101 bafatiwe mu nzu bari bafungiwemo i Bujumbura bagiye kugurishwa

Amakuru   Yanditswe na: Dusingizimana Remy 15 December 2020 Yasuwe: 4560

Polisi y’Uburundi yatahuye abagore barenga 100 bari bafungiwe mu nzu imwe iri muri zone Buterere, komine Ntahangwa, mu mujyi wa Bujumbura.


Inzu bafatiwemo iri muri karitsiye Miroir, yari ikodeshejwe miliyoni ebyiri z’amarundi n’abantu igipolisi kitashatse kuvuga amazina, ahari icyapa cyerekana ko bahigishiriza umwuga wo guteka.

Bari bahamaze hagati y’icyumweru kimwe n’ibyumweru 2, kandi ngo abo mu miryango yabo ntibari bazi iyo bagiye.

Aba bagore bose uko ari 101 bava mu ntara za Bujumbura rural, Cibitoke, Bubanza hamwe n’umujyi wa Bujumbura.

Polisi yavuze ko abo bantu bajya kugurishwa mu bihugu bya Arabie saoudite, Qatar na Oman.Ubu bucuruzi ntibwemewe haba mu Burundi no ku rwego mpuzamahanga.

Icyegera cy’umuvugizi w’ubutegetsi bw’igihugu n’umutekano, Moïse Nkurunziza, yagize ati: "Abo bantu bajyanwa mu bihugu bya Arabia saoudite, Oman na Qatar, aho bahita bafatwa nk’abacakara.

"Iyo bagezeyo, ntibahabwa uburenganzira bwo kongera kuvugana n’imiryango yabo, bakanibagirwa kongera gutaha."

Moïse Nkurunziza yongeyeho ko abakora ubwo bucuruzi bakorana n’abandi bantu bo mu bihugu bituranye n’u Burundi nka Tanzania, Uganda na Kenya by’umwihariko.

Polisi ivuga ko igiye gukora imyirondoro yabo ngo kuko muri bo hashobora kuba hivanzemo n’abasanzwe bafasha muri ubwo bucuruzi bw’abantu.

Muri 2018, abagabo babiri, umwe uturuka mu bihugu by’Abarabu n’undi w’Umurundi, Kasso Abdalla Ebrahim na Bigirimana Hassan, bagejejwe imbere y’urukiko muri Kenya, bashinjwa kuba barafashe abantu 29 b’Uburundi, babajyana kubakoresha ku nyungu zabo.

Abo bagore batahuwe icyo gihe, benshi muri bo bari bafite imyaka iri hagati ya 16 na 23 bakaba barashyikirijwe polisi, bavanywe mu nzu bari bacumbikiwemo mu mujyi wa Nairobi.

Bagifatwa amakuru akaba yavugaga ko barimo bitegura kujya mu bihugu by’Abarabu, aho bagurwa bakajyanwa gukora akazi ko mu nzu.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Centrafrique: Umusirikare w’u Rwanda wo mu ngabo za UN yaguye mu mirwano...

Umusirikare w’umunyarwanda uri mu butumwa bw’amahoro bwa UN muri Centrafrique...
13 January 2021 Yasuwe: 5968 0

Lt.Colonel Butera wari umujyanama mu bya Gisirikare muri FLN yishwe na...

Lt.Colonel Butera Didier wahoze ari umukinnyi wa Mukura Victor Sport mu...
10 January 2021 Yasuwe: 5838 0

US: Abashyigikiye Trump bateye ingoro y’inteko ishinga amategeko bane...

Abantu bane bapfiriye mu myigaragambyo y’abashyigikiye Perezida Donald Trump...
7 January 2021 Yasuwe: 4418 0

Perezida Trump yahagaritswe gukoresha Twitter na Facebook

Donald Trump yahagaritswe by’agateganyo gukoresha imbuga za Twittter na...
7 January 2021 Yasuwe: 3548 0

Centrafrique: Ingabo z’u Rwanda zikomeje guhangana n’ inyeshyamba zishaka...

Umutwe wihariye w’Ingabo z’u Rwanda hamwe n’iz’u Burusiya ziri muri...
3 January 2021 Yasuwe: 7529 0

RDC: Leta yigaruriye agace kari mu maboko y’inyeshyamba za ADF

Leta ya Repubulika ya Demokarasi ya Kongo iravuga ko abantu 14 bakekwaho...
2 January 2021 Yasuwe: 3592 0