Burundi: Ingabo za Leta zasabye abagabo bose guhera ku myaka 16 kubafasha gucunga umutekano ku mipaka y’u Rwanda

Amakuru   Yanditswe na: Dusingizimana Remy 3 December 2019 Yasuwe: 9990

Ingabo za Leta y’u Burundi zifite ubwoba bwinshi ziterwa no gukeka ko u Rwanda rwabatera ariyo mpamvu zafashe abagabo bose uhereye ku myaka 16 bo ku misozi ya Ruhororo na Gasebeyi ya komini Mabayi kugira ngo babafashe gucunga imipaka.



Ingabo z’u Burundi zasabye aba bagabo bose kurikanura bakirinda ko ingabo z’u Rwanda zabinjirira cyane ko bavuga ko ari nazo zabateye kuwa 16 Ugushyingo zikabacamo igikuba.

Abaturage babwiye ikinyamakuru SOS Media Burundi ko aba basirikare basabye abagabo bose guhera ku myaka 16 kubafasha gukora uburinzi ku misozi ya Ruhororo na Gasebeyi muri Zone ya Ruhororo kugira ngo umwanzi uturutse mu Rwanda atabaca mu rihumye.

Umwe mu baturage yatangaje ati “Abasirikare n’Imbonerakure bitwaje intwaro baje ku bwinshi bavuga ko umuturage utarabafasha kurara irondo nijoro araba ari umwanzi w’igihugu.”

Umuyobozi w’intara yategetse ko abagabo banze kwitabira aya marondo bagomba kuriha amande byanze bikunze.

Umuyobozi wa Komini Mabayi, Pascal Basarugwuzuye, yavuze ko aya marondo agamije gukaza umutekano kugira ngo umwanzi uturutse mu Rwanda atabona aho yinjirira.

Yagize ati “N’ukugira ngo ntirinde ko hari umwanzi wakwinjira aturutse mu Rwanda.”

U Rwanda rwahakanye ko nta gitero na kimwe rwigeze rugaba mu Burundi ndetse ibi birego by’u Burundi bigamije kurangaza amahanga.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble

    Barajijisha amahanga kbsa! u Rwanda rwaba rutera u Burundi rushakayo iki? nta Cyiza uburundi burusha u Rwanda.

    1 week ago

Inzindi nkuru

Biravugwa: Kayumba Nyamwasa n’abo bari bafatanyije kuyobora RNC bahagaritswe...

Abanyamuryango b’ihuriro nyarwanda RNC batuye mu gihugu cya Afurika y’epfo...
9 December 2019 Yasuwe: 12925 0

Uganda: UPDF igiye kwinjiza abasirikare bashya ibihumbi 4000 mu gisirikare...

Igisirikare cya Uganda UPDF cyemeje ko kigiye kwinjiza mu gisirikare...
8 December 2019 Yasuwe: 2353 1

Burundi: Umusenateri yatawe muri yombi azira gushaka kwicisha agafuni...

Abantu barenga icumi mu Burundi bakomerekejwe n’umusenateri wari wataye...
8 December 2019 Yasuwe: 2459 0

Col.Niyonzima Artemond wari umucungamutungo wa FLN yafashwe mpiri na...

Colonel Akuzwe Fidele Artemond wari Umucungamutungo wa FLN, yatawe muri...
6 December 2019 Yasuwe: 6743 0

Perezida Nkurunziza yavugiye mu ruhame ko u Rwanda arirwo rwateye u...

Ku nshuro ya mbere mu ruhame, Perezida Petero Nkurunziza w’u Burundi yavuze...
6 December 2019 Yasuwe: 7221 2

Biravugwa: Uburundi bwatangiye kwimurira intwaro zabwo zikomeye mu ntara ya...

‪Amakuru akomeje kuvugwa n’ibinyamakuru byigenga mu Burundi aratangaza ko...
5 December 2019 Yasuwe: 13442 3