Ishyirahamwe mpuzamahanga , ONU, ryatangaje ko abarwanyi muri Republika ya demokarasi ya Kongo, bambitse ibisasu Impinja z’Amahasha.

Sponsored Ad

ONU ivuga ko ibyo bisasu byari byatezwe abashinzwe gucunga umutekano wa Kongo.

ONU itangaza ko abo bwarwanyi bataramenyekana ,bazingiye ayo mabombe ku mahasha y’udukobwa tw’impinja z’Umwaka umwe.

Ishami rya L’ ONU rishinzwe kwita ku bana,UNICEF,ryatangaje ko izo mpanga ari izari mu bitaro biherereye mu ntara ya Kivu ya Ruguru.

Ibyihebe bya ADF birwanya ubutegetsi bwa Uganda ukunze kugaba ibitero ahatowe abo bana.

Grant Leaity uvugira UNICEF muri Kongo, yabwiye abanyamakuru I Geneve mu Busuwissi mu kiganiro bagiranye.

Ati: “ Abateze uwo mutego ku bana , bari bafite umugambi wakomwe mu nkokora n’abapolisi bavumbuye izo bomb bakazitegura.”

Grant Leaity, yakomeje avuga ko abahanga mu gutegura ibisasu bagera ku 9 babashije kwambura ibisasu ayo mahasha y’umwaka umwe bidaturitse.

Kugeza ubu umwirondoro w’abana bambuwe ibisasu nturamenyekana kuko binakekwa ko ababyeyi babo baba baraguye mu bitero bya ADF nk’uko UNICEF komeza ibisobanura.
ONU ivuga ko “Ububisha bwakorewe abo bana” buje bwiyongera ku yandi mabi akorerwa abana muri Republika ya Demokarasi ya Kongo.