skol
startimes

Ethiopia: Minisitiri Abiy yiyemeje kugaba igitero simusiga kuri Tigray yamusuzuguye

Amakuru   Yanditswe na: Dusingizimana Remy 26 November 2020 Yasuwe: 3510

Amasaha 72 yari yahawe ingabo z’ishyaka Tigray People’s Liberation Front (TPLF) kuba zashyize intwaro hasi yarangiye nta kintu zikoze,bituma Minisitiri w’Intebe wa Ethiopia, Abiy Ahmed yemeza ko ingabo za Leta zigiye gutangiza ibitero simusiga ku bayobozi bigometse hamwe n’ababashyigikiye bo mu ntara ya Tigray ifite umurwa mukuru wa Mekelle.


Ku cyumweru gishize nibwo Ethiopia yatanze amasaha 72 yo kuba Leta ya Tigray yamanitse amaboko cyangwa se ikagabwaho ibitero mu mujyi wa Mekelle ariko byarangiye zigometse none ngo zigiye kugabwaho igitero rurangiza.

Minisitiri Abiy avuga ko igisirikare kizagerageza kutagirira nabi abasivili anasaba abaturage bo muri uwo mujyi kuguma mu ngo zabo.

Abiy atangaje ibi inyuma y’aho amasaha 72 yari yahaye abarwanyi ba Tigray ngo babe bamanitse amaboko arangiye ejo ku wa gatatu.

Ishyaka TPLF risanzwe riyoboye Mekelle ryemeje ko rizarwana intambara ikomeye Ethiopia nibagabaho igitero.

Abiy yategetse igisirikare cya Ethiopia kugaba igitero kuri Mekelle – umujyi utuwemo n’abantu 500,000.

Minisitiri Abiy avuga ko bizakoranwa "ubwitonzi bwinshi" kugira ngo bakingire abasivili kandi ko "bazakora uko bashoboye kose" kugira ngo ntihagire byinshi byononekara i Mekelle.

Yasabye abaturage ba Mekelle n’ababa mu mitwe yaho kumanika intwaro, bakaguma mu ngo zabo, kandi bakajya kure y’ibirindiro bya gisirikare.

Avuga ko ibigo ndangamurage n’ibyerekeye amadini, hamwe n’uturere dutuwemo n’abanyagihugu bitazaterwa.

Umukuru w’ishyaka TPLF rikomeye muri ako karere, Debretsion Gebremichael, avuga ko ingabo za Tigray "ziteguye gupfira ukuri mu guharanira" uburenganzira bwabo bwo kuyobora ako karere.

Abarwanyi ba TPLF basanzwe bakomoka mu mutwe witwara gisirikare n’iyindi mitwe y’abarwanyi bo muri ako karere bigishijwe cyane ibya gisirikare,babarirwa muri 250.000. Abareba kure bafite ubwoba ko iyi ntambara ishobora gukwira hose.

Amashyirahamwe y’abagiraneza afite ubwoba ko iyi ntambara ishobora guteza ibibazo by’ubutabazi no guhungabanya akarere k’ihembe rya Afrika.

Ishirahamwe mpuzamahanga ONU ritewe impungenge n’uko hashobora kwaduka intambara ikomeye mu gihe ingabo za Ethiopia zatera Mekelle, rikanamenyesha ko hashobora kuba n’ibyaha byo mu ntambara.

Ishyirahamwe rishinzwe uburenganzira bwa muntu muri Ethiopia rishinja umutwe w’urubyiruko wa Tigray ko ari wo wakoze ubwicanyi mu ntangiriro z’uku kwezi aho abasivile barenga 600 bishwe.

Rivuga ko uyu mutwe ufatanyije n’abarwanyi b’ako karere, bishe abantu baba mu mujyi wa Mai-Kadra babateye ibyuma, kubakubita ibibando n’ibindi.TPLF yo irabihakana igasaba ko haba iperereza mpuzamahanga ryigenga.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Koreya ya Ruguru yamuritse misile zidasanzwe zirasirwa hasi mu...

Koreya ya Ruguru yamuritse ubwoko bushya bwa misile ziraswa kure zivuye...
15 January 2021 Yasuwe: 4108 0

Centrafrique: Umusirikare w’u Rwanda wo mu ngabo za UN yaguye mu mirwano...

Umusirikare w’umunyarwanda uri mu butumwa bw’amahoro bwa UN muri Centrafrique...
13 January 2021 Yasuwe: 6025 0

Lt.Colonel Butera wari umujyanama mu bya Gisirikare muri FLN yishwe na...

Lt.Colonel Butera Didier wahoze ari umukinnyi wa Mukura Victor Sport mu...
10 January 2021 Yasuwe: 5921 0

US: Abashyigikiye Trump bateye ingoro y’inteko ishinga amategeko bane...

Abantu bane bapfiriye mu myigaragambyo y’abashyigikiye Perezida Donald Trump...
7 January 2021 Yasuwe: 4452 0

Perezida Trump yahagaritswe gukoresha Twitter na Facebook

Donald Trump yahagaritswe by’agateganyo gukoresha imbuga za Twittter na...
7 January 2021 Yasuwe: 3549 0

Centrafrique: Ingabo z’u Rwanda zikomeje guhangana n’ inyeshyamba zishaka...

Umutwe wihariye w’Ingabo z’u Rwanda hamwe n’iz’u Burusiya ziri muri...
3 January 2021 Yasuwe: 7545 0