startimes

FDLR irakekwaho kwica abarinzi 12 ba parike ya Virunga muri RDC

Amakuru   Yanditswe na: Dusingizimana Remy 25 April 2020 Yasuwe: 1378

Abantu 16 barimo abarinzi 12 ba parike y’igihugu ya Virunga biciwe mu gitero cyagabwe n’abacyekwa kuba abarwanyi b’umutwe w’inyeshyamba wa FDLR ukorera mu burasirazuba bwa Repubulika ya Demokarasi ya Kongo.



Icyo gitero cyabereye mu nkengero z’icyaro cya Rumangabo muri teritwari (territoire) ya Rutshuru muri Kivu y’amajyaruguru.

Cosma Wilungula, umutegetsi wo muri DR Congo, yavuze ko icyo gitero cy’ejo ku wa gatanu ari cyo gihitanye abantu benshi cyane muri iyo parike mu mateka yo mu gihe cya vuba gishize.

Yavuze ko inyeshyamba zirenga 60 zari zateze umutego uruhererekane rw’imodoka zitwaye abaturage b’abasivile bari bacungiwe umutekano n’abarinzi 15 ba parike, nkuko ibiro ntaramakuru Reuters bibitangaza.

Iyi parike, izwi cyane kubera ingagi zo mu misozi ziyibamo, ni yo ya mbere imaze igihe kirekire kurusha izindi ku mugabane w’Afurika ndetse ikunze gusurwa cyane na ba mukerarugendo.

Irimo kandi urusobe rw’ibinyabuzima ndetse ni n’umutungo w’isi uri ku rutonde rw’ibungwabungwa n’ishami ry’umuryango w’abibumbye ryita ku burenzi, ubumenyi n’umuco (UNESCO).

Abandi bantu batandatu bakomerekeye muri icyo gitero bicyekwa ko cyagabwe n’umutwe wa FDLR. Abakuru bawo bashinjwa kugira uruhare muri Jenoside yo mu Rwanda yakorewe Abatutsi mu mwaka wa 1994.

FDLR ntacyo iratangaza ku mugaragaro kugeza ubu kuri ibyo ishinjwa byo kuba ari yo yagabye icyo gitero.

Itangazo rigaragara ku rubuga rwa internet rwa parike ya Virunga rivuga ko hari ibigaragaza ko iki cyari igitero kigambiriye abaturage b’abasivile bo muri ako karere.

Rigira riti: "Abarinzi ba parike ya Virunga ntabwo ari bo bari bagambiriwe muri icyo gitero, ariko batakaje ubuzima bwabo bagerageza kurwana ku baturage".

Ba rushimusi bamaze igihe bazwiho kwibasira ba mukerarugendo basura iyo parike.

Mu mwaka wa 2018, abateye iyo parike bishe umwe mu barinzi bayo Rachel Masika Baraka ubwo bashimutaga by’akanya gato ba mukerarugendo babiri b’Abongereza n’umushoferi wabo.

Ku itariki ya 23 y’ukwezi gushize kwa gatatu, iyi parike yafunze imiryango ivuga ko ibaye ihagaritse kwakira ba mukerarugendo, nyuma y’inama yagiriwe n’impuguke ko ingagi zishobora kugira ibibazo byo kuba zakwandura coronavirus.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble

    Wa munyamakuru we wanditse iyi nkuru, ukwiriye gukosora: Bavuga Genoside yakorewe abatutsi mu Rwanda muri Mata 1994, ntibavuga genoside yo mu Rwanda. Thanks.

    2 months ago

Inzindi nkuru

Ethiopia: Abantu 10 bamaze gupfira mu myigaragambyo yamagana ubwicanyi...

Abantu barenga 10 bamaze gupfa abarenga 80 barakomereka kuva ejo kuwa...
1 July 2020 Yasuwe: 856 0

Burundi: Umuhungu wa Nkurunziza yazamuriwe Ipeti ku munsi w’Ubwigenge

Kuri uyu wa Gatatu tariki ya 1/7/2020 nibwo igihugu cy’u Burundi n’u Rwanda...
1 July 2020 Yasuwe: 7524 0

U Burundi bwihakanye ingabo zateye u Rwanda zifite ibikoresho...

Kuwa Gatandatumu ma saa sita z’ijoro zo kuwa Gatandatu,tariki ya 27 Kamena...
28 June 2020 Yasuwe: 2169 0

Kenya: Polisi yarashe abantu 3 barapfa ubwo bari mu myigaragambyo

Ejo kuwa kane Polisi ya Kenya yishe abantu batatu irashe mu kivunge...
26 June 2020 Yasuwe: 352 0

Perezida Trump yagabanyirije ububasha Polisi ya USA yari ikomeje gushinjwa...

Kuri uyu wa Kabiri tariki ya 16 Kamena 2020,Perezida Donald Trump yashyize...
17 June 2020 Yasuwe: 2561 0

Umukuru wa polisi y’i Atlanta yeguye nyuma yaho undi mwirabura yishwe...

Umukuru wa polisi yo mu mujyi wa Atlanta muri leta ya Georgia muri Leta...
14 June 2020 Yasuwe: 2574 0