Ishyirahamwe ry’Ubumwe bw’Uburayi ryatangaje ko ryiyemeje gufasha Mozambike kurwanya iterabwoba.

Sponsored Ad

Ishyirahamwe ry’Ubumwe bw’Uburayi ryatangaje ko ryiyemeje gufasha Mozambike kurwanya iterabwoba.

Ryemeye kuzatanga imfashanyo nshya ku gisirikare icyo gihugu, nyuma y’igitero cy’iterabwoba cyabaye muri iki cyumweru.

Josep Borrell ushinzwe ubunyi n’amahanga muri iryo shyirahamwe yabonanye na prezida wa Mozambike Filipe Nyusi , na minisitiri w’ububanyi n’amahanga Veronica Macamo, mu murwa mu kuru Maputo.

Josep Borell ari mu rugendo rw’iminsi ibiri muri icyo gihugu cyo mu majyepfo y’Afrika.

Uyu mudiplomate mukuru w’Uburayi yemeye ko, uwo muryango ugiye kuzatanga izindi mfashanyo za gisirikare zifite agaciro ka miriyoni 15 z’amadolari.

Zizaba zigamije gufasha inteko zo muri ako karere ka Afrika, ziriho zirwanya iterabwoba mu ntara ya Cabo Delgado.

Urwo rugendo rwa Borrell rubaye nyuma y’iyicwa ry’umubikira w’umutaliyani muri Mozambike, mu gitero cyabereye mu ntara ya Nampula.

Umutwe w’iterabwoba wa reta ya kiyisilamu wigambye ko ari wo wagabye icyo gitero.

Kuri uyu wa gatatu nibwo Perezida Nyusi yavuze ko abantu batandatu bishwe bunyamaswa baciwe imitwe mu bitero by’abajihadiste muri iyo ntara.