Igitero cyo mu kirere cyo gufasha ingabo za leta muri Somalia cyishe abarwanyi ba al-Shabab bagera kuri 30,nkuko bivugwa n’igisirikare cya Amerika.
Icyo gikorwa cyabereye hafi y’Umujyi wa Galcad, kuri 260km mu Majyaruguru y’umurwa mukuru Mogadishu.
Ingabo za leta ya Somalia n’abarwanyi ba al-Shabab bamaze iminsi barimo bararwanira kugenzura uwo mujyi.
Icyo gitero cyo mu kirere cyo ku wa gatanu cyabaye mu gihe ingabo za leta zarimo ziterwa n’abarwanyi barenga 100, nk’uko bivugwa n’ubutegetsi (...)

Sponsored Ad

Igitero cyo mu kirere cyo gufasha ingabo za leta muri Somalia cyishe abarwanyi ba al-Shabab bagera kuri 30,nkuko bivugwa n’igisirikare cya Amerika.

Icyo gikorwa cyabereye hafi y’Umujyi wa Galcad, kuri 260km mu Majyaruguru y’umurwa mukuru Mogadishu.

Ingabo za leta ya Somalia n’abarwanyi ba al-Shabab bamaze iminsi barimo bararwanira kugenzura uwo mujyi.

Icyo gitero cyo mu kirere cyo ku wa gatanu cyabaye mu gihe ingabo za leta zarimo ziterwa n’abarwanyi barenga 100, nk’uko bivugwa n’ubutegetsi bw’ingabo za Amerika muri Afrika (US Africa Command).

Mbere y’aho abo barwanyi bari bishe abasirikare barindwi ba leta nyuma yo gutera inkambi ya gisirikare muri Galcad.Minisitiri wa Somaliaushinzwe amakuru avuga ko haguye aba al-Shabab bagera muri mirongo.

Al-Shabab irwanya leta ya Somalia kuva mu 2006, irashaka gushinga leta igendera ku murongo ukaze cyane w’idini rya Islam.

Nubwo yakuwe muri Mogadishu n’utundi turere tumwe na tumwe, ikomeza kugaba ibitero ku gisirikare no ku baturage basanzwe.

Ku wa mbere, leta yatangaje ko ingabo zayo hamwe n’imitwe yitwara gisirikare bafashe umujyi wa Harardhere, wari usanzwe ari inzira ikomeye al-Shabab icyishamo ibikenewe byayo kuva mu 2010.

Mu cyegeranyo cyayo ku ntambara ya Galcad, US Africa Command yavuze ko imodoka itatu ya al-Shabab yatwitswe ndetse ko ‘nta muturage usanzwe wakomeretse cyangwa ngo bapfe’’. Ibiri muri icyo cyegeranyo ntibirahinyuzwa mu buryo bwigenga.

Itangazo rivuga ko ‘’Ingabo za US Africa Command zizakomeza kwigisha, guha inama n’ibikoresho ingabo bakorana kugira zibashe kubona ibikenewe , zitsinde umutwe wa al-Shabab kw’isi’’.

BBC