Indege ya kompanyi Japan Airlines yo mu Buyapani yahiye iratokombera mu gihe yari iguye ku kibuga cy’indege cya Haneda ku murwa mukuru Tokyo.

Sponsored Ad

Amashusho yerekanye indege irimo gushya, abategetsi bakavuga ko yaba yagonganye n’indege y’abashinzwe kurinda umupaka.

Amashusho yakwiriye mu binyamakuru yerekana bya bimodoka bishinzwe kuzimya imiriro byahageze mu gihe umuriro n’imyotsi byariko bica mu madirisha.

Nubwo iyi ndege itwara abantu ya Japan Airlines yahiye yose, abagezi 379 yari itwaye bose barokotse.

Abantu batanu bari muri iyi ndege y’abashinzwe umutekano bapfuye nyuma y’uko bagonganye n’iyi ndege itwara abagenzi ku kibuga cy’indege cya Haneda cya Tokyo.

Iyi ndege irinda imbibi yari igiye gutanga imfashanyo y’ibiribw mu turere twibasiwe n’umutingito wahitanye abasaga 50 kuri uyu wa mbere mu Buyapani.

Iyi kompanyi itwara abagenzi yavuze ko bantu 379 bose bari bayirimo barokowe ntawe upfuye.

Amashusho atangaje yerekanye abagenzi bahunga iyi ndege vuba hifashishijwe ubufasha bwihuse bwo kutanyura ku ngazi.