skol
startimes

Ingabo za UN zirimo n’Abanyarwanda zisubije umujyi wari warafashwe n’inyeshyamba muri Centrafrique

Amakuru   Yanditswe na: Dusingizimana Remy 23 December 2020 Yasuwe: 6831

Ishyirahamwe mpuzamahanga [UN] ryatangaje ko umujyi wa Bambari wo muri Republika ya Centrafrique (CAR) wari mu maboko y’inyeshyamba wamaze kongera kwigarurirwa n’ingabo zaryo.


Umuvugizi wa ONU yavuze ko ingabo zagiye kugarura amahoro muri iki gihugu hamwe n’abashinzwe umutekano b’icyo gihugu ubu nibo bari kuhagenzura,nyuma yo gukubita inshuro inyeshyamba zigakwira imishwaro.

UN yavuze ko abasivili bari barahunze intambara batangiye kugaruka mu ngo zabo.

Biteganyijwe ko haba amatora rusange muri iki gihugu cya Centrafrique ku cyumweru aho hazaba amatora ya Perezida.

Leta yashinje uwahoze ayoboye icyo gihugu, Francois Bozize, ko yishyize hamwe n’imitwe yitwaje intwaro muri gahunda yo guhirika ubutegetsi gusa we arabihakana.

Uburusiya n’U Rwanda byohereje abandi basirikare babarirwa mu magana mu gufasha leta kurwanya izi nyeshyamba ndetse no kurinda ko kureba uko amatora yagenda neza.

Abitwaje intwaro barimo kugerageza kugera mu murwa mukuru Bangui gusa biragaragara ko batangiye gutakaza imbaraga kuko batangiye kwirukanwa mu birindiro byabo.

Mu ijoro ryo ku Cyumweru, Guverinoma y’u Rwanda yatangaje ko yohereje ingabo zo kurinda umutekano w’ingabo zayo zishinzwe kugarura amahoro muri Repubulika ya Centrafrique no kubungabunga ibikorwa by’amatora biri muri iki gihugu.

Itangazo ryashyizwe hanze na Minisiteri y’ingabo z’u Rwanda rivuga ko u Rwanda rwohereje abasirikare muri Repubulika ya Centrafrique, nyuma yuko abahasanzwe bo mu butumwa bwa ONU/UN bwo kubungabunga amahoro bibasiwe n’imitwe y’inyeshyamba ishyigikiye uwahoze ari Perezida François Bozizé.

Nta mubare watangajwe w’abasirikare u Rwanda rwohereje muri Centrafrique, aho rusanzwe rufite abagera kuri 750 boherejwe mu murwa mukuru Bangui mu kwezi kwa kabiri mu 2019.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Centrafrique: Umusirikare w’u Rwanda wo mu ngabo za UN yaguye mu mirwano...

Umusirikare w’umunyarwanda uri mu butumwa bw’amahoro bwa UN muri Centrafrique...
13 January 2021 Yasuwe: 5971 0

Lt.Colonel Butera wari umujyanama mu bya Gisirikare muri FLN yishwe na...

Lt.Colonel Butera Didier wahoze ari umukinnyi wa Mukura Victor Sport mu...
10 January 2021 Yasuwe: 5840 0

US: Abashyigikiye Trump bateye ingoro y’inteko ishinga amategeko bane...

Abantu bane bapfiriye mu myigaragambyo y’abashyigikiye Perezida Donald Trump...
7 January 2021 Yasuwe: 4422 0

Perezida Trump yahagaritswe gukoresha Twitter na Facebook

Donald Trump yahagaritswe by’agateganyo gukoresha imbuga za Twittter na...
7 January 2021 Yasuwe: 3549 0

Centrafrique: Ingabo z’u Rwanda zikomeje guhangana n’ inyeshyamba zishaka...

Umutwe wihariye w’Ingabo z’u Rwanda hamwe n’iz’u Burusiya ziri muri...
3 January 2021 Yasuwe: 7530 0

RDC: Leta yigaruriye agace kari mu maboko y’inyeshyamba za ADF

Leta ya Repubulika ya Demokarasi ya Kongo iravuga ko abantu 14 bakekwaho...
2 January 2021 Yasuwe: 3592 0