Korea ya Ruguru yashyize hanze urukurikirane runini cyane bidasanzwe rwa misile ziraswa kure,zizwi nka ’missiles ballistiques intercontinentaux/intercontinental ballistic missiles’ (ICBMs),itunze.
Abatari bake baravuga ko zishobora gushyira mu kaga ubwirinzi bwa Amerika.
Mu myiyereko idasanzwe ya gisirikare y’ejo ku wa gatatu, misile za ICBM ziraswa kure zirenga icumi zarerekanwe.
Perezida Kim Jong-un yagaragaye haba iyo myiyereko saa sita z’ijoro ahagararanye n’umukobwa we.
Kuboneka kwa Kim (...)

Sponsored Ad

Korea ya Ruguru yashyize hanze urukurikirane runini cyane bidasanzwe rwa misile ziraswa kure,zizwi nka ’missiles ballistiques intercontinentaux/intercontinental ballistic missiles’ (ICBMs),itunze.

Abatari bake baravuga ko zishobora gushyira mu kaga ubwirinzi bwa Amerika.

Mu myiyereko idasanzwe ya gisirikare y’ejo ku wa gatatu, misile za ICBM ziraswa kure zirenga icumi zarerekanwe.

Perezida Kim Jong-un yagaragaye haba iyo myiyereko saa sita z’ijoro ahagararanye n’umukobwa we.

Kuboneka kwa Kim Ju-ae ryatumye hari abibaza ko arimo arategurwa nk’uzamusimbura.

Uyu mubare munini w’izi misile ziraswa kure zerekanywe muri iyi myiyereko wateje impungenge.

Abareba ibintu n’ibindi bavuga ko ubwinshi bwa misile nk’izi – zizwi ko zishobora kugera ku butaka bwa Amerika – bushobora kugora ubushobozi bwa Amerika bwo kwivuna ibitero bya nikeleyeri.

Ibinyamakuru bya Korea ya Ruguru nta makuru arambuye bitanga, ariko bivuga ko ibitwaro nk’ibi byerekana ko igihugu “gifite ubushobizi bwo kuzibira intambara no kwirwanaho”.

Amafoto yasohowe n’ibinyamakuru bya Korea ya Ruguru mu gitondo cyo kuri uyu wa kane yerekana misile za ICBM zirenga cumi zirimo zirazenguruka mu kibuga cy’ibirori hagati mu murwa mukuru Pyongyang – ziherekejwe n’ingabo zigenda n’amaguru.

Ankit Panda, umuhanga mu bijyanye na politike ya nikeleyeri mu kigo Carnegie Endowment for International Peace, avuga ko kubona Korea ya Ruguru yongera ububiko bwayo bwa nikeleyeri ari “ikibazo gikomeye ku migambi ya gisirikare” ya Amerika mu gihe haba intambara, kuko bishobora kugora Amerika kubona misile zose za ICBM za Korea ya Ruguru kugira ngo izisenye.

BBC