skol
startimes

Leta ya Tigray yategetse abaturage kwambarira urugamba bakarwanya ingabo za Ethiopia

Amakuru   Yanditswe na: Dusingizimana Remy 12 November 2020 Yasuwe: 2214

Abategetsi bo mu karere ka Tigray mu majyaruguru ya Ethiopia bategetse abaturage baho kwambarira urugamba, bababwira ko bagomba "kwirwanaho" kubera "ubushotoranyi bugaragara" bwa leta ya Ethiopia.


Hakomeje kwiyongera ubwoba ko intambara ishobora gukwira muri iki gihugu cyo mu ihembe ry’Afurika.

Mbere yaho, Minisitiri w’intebe wa Ethiopia Abiy Ahmed yari yanze ubusabe bw’abategetsi ba Tigray bw’ibiganiro bigamije amahoro.

Abantu babarirwa mu magana bamaze kwicwa mu minsi umunani ishize y’imirwano hagati y’ingabo zo muri leta ya Tigray n’iza leta ya Ethiopia.

Hashize igihe hari ugucikamo ibice gushingiye ku moko muri Ethiopia kubera ko amoko amwe ashaka kugira ubutegetsi bwayo bwihariye akareka kugengwa na leta nkuru ifite icyicaro mu murwa mukuru Addis Abeba.

Ishyaka Tigray People’s Liberation Front (TPLF) ryigeze kumara imyaka ari ryo rikomeye cyane mu gihugu, ni ryo ritegeka akarere ka Tigray.

Iryo shyaka rifitanye amasinde na Minisitiri w’intebe Abiy - wo mu bwoko bwa ba nyamwinshi bwa Oromo - kuva yagera ku butegetsi mu 2018 agasezeranya gukora amavugurura atandukanye mu gihugu.

Mu gihe cya vuba gishize, ishyaka TPLF ryirengagije icyemezo cya leta ya Ethiopia kibuza ko haba amatora mu gihugu mu kwirinda coronavirus.

Kubera kurenga kuri icyo cyemezo rigakoresha amatora, Bwana Abiy yavuze ko ayo matora yo muri Tigray atemewe n’amategeko.

Ku wa gatatu w’icyumweru gishize, Bwana Abiy yategetse ko hakorwa igitero cya gisirikare nyuma yuko ikigo cy’ingabo za Ethiopia cyo mu murwa mukuru Mekelle wa Tigray cyigaruriwe n’ingabo za leta y’ako karere.

Leta ya Tigray yavuze iki nyirizina?

Ishyaka Tigray People’s Liberation Front (TPLF) ryatangaje ibihe bidasanzwe mu gihugu mu "kurinda umutekano n’imibereho y’abaturage ba Tigray ndetse n’ubusugire bwabo", nkuko byatangajwe na televiziyo ya leta ya Tigray.

Televiziyo ya leta ya Tigray yasubiyemo amagambo ya leta yo kuburira ko "umuntu uwo ari we wese utazabikurikiza azafatirwa ingamba".

Abategetsi b’akarere ka Tigray banasubiyemo ibyo bashinja igihugu gituranyi cya Eritrea ko cyivanze muri iyi mirwano, ibyo leta ya Eritrea n’iya Ethiopia byahakanye.

Abategetsi ba Ethiopia bashimangira ko urugamba rwabo ari urwo kurwanya abategetsi ba Tigray - rutagambiriye abaturage ba Tigray.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ethiopia: Intambara mu murwa mukuru w’Intara ya Tigray

Abaturage batangiye guhunga umujyi wa Mekele, umurwa mukuru w’intara ya...
27 November 2020 Yasuwe: 3126 0

Tanzania yagiranye amasezerano na Mozambike yateye benshi impungenge

Guverinema ya Tanzaniya ifatanyije n’iya Mozambike kurwanya ibitero...
26 November 2020 Yasuwe: 4633 0

Ethiopia: Minisitiri Abiy yiyemeje kugaba igitero simusiga kuri Tigray...

Amasaha 72 yari yahawe ingabo z’ishyaka Tigray People’s Liberation Front...
26 November 2020 Yasuwe: 996 0

Ethiopia: Abasirikare ’barimo guhagarika’ abasivile bahunga imirwano muri...

Ingabo za Ethiopia zagabwe ku mupaka ihana na Sudan zirimo kubangamira uko...
26 November 2020 Yasuwe: 1531 0

Uganda: Minisitiri Tumwine yemeje ko polisi ifite uburenganzira bwo kurasa...

Minisitiri w’Umutekano muri Uganda, Elly Tumwine, yabwiye abanyamakuru ko...
23 November 2020 Yasuwe: 943 0

Ethiopia: Abiy Ahmed yahaye ingabo za Tigray amasaha 72 ngo zibe zamanitse...

Minisitiri w’intebe wa Ethiopia yahaye amasaha 72 ingabo za leta ya Tigray...
23 November 2020 Yasuwe: 611 0