Ingabo za Loni zishinzwe kubungabunga amahoro mu Burasirazuba bwa Repubulika Iharanira Demokarasi ya Congo (MONUSCO) zatangaje ko indege yazo yarashweho n’abataramenyekana, umuntu umwe akahasiga ubuzima.
Amakuru yahise atangira gukwirakwizwa ko iyi ndege yarashwe na M23 ikomeje gushyamirana na FARDC.
Umuvugizi wa M23 Maj. Willy Ngoma, yavuze ko iyo ndege ikwiye kubazwa ingabo za RDC (FARDC) n’abambari bazo ari bo FDLR, Nyatura, Mai-Mai n’indi mitwe yitwaje intwaro bakorana kuko iyo ndege (...)

Sponsored Ad

Ingabo za Loni zishinzwe kubungabunga amahoro mu Burasirazuba bwa Repubulika Iharanira Demokarasi ya Congo (MONUSCO) zatangaje ko indege yazo yarashweho n’abataramenyekana, umuntu umwe akahasiga ubuzima.

Amakuru yahise atangira gukwirakwizwa ko iyi ndege yarashwe na M23 ikomeje gushyamirana na FARDC.

Umuvugizi wa M23 Maj. Willy Ngoma, yavuze ko iyo ndege ikwiye kubazwa ingabo za RDC (FARDC) n’abambari bazo ari bo FDLR, Nyatura, Mai-Mai n’indi mitwe yitwaje intwaro bakorana kuko iyo ndege yarasiwe ku gace gasanzwe gacungiwe umutekano n’ingabo za Leta.

Yagize ati: “Bitandukanye n’ibikomeje guhwihwiswa, nta kintu kidasanzwe cyabereye mu gace gacungiwe umutekano na M23. Niba Guverinoma ya RDC ishaka gukoresha uburyarya ngo yinjize MONUSCO mu ntambara yeruye na M23 ni yo izisanga yashibukanywe n’umutego mutindi.”

Bivugwa ko uwungirije umupilote w’iyo ndege ari we wahise ahasiga ubuzima ariko iyi ndege igera ku kibuga cy’indege itwawe n’Umupilote wakomeretse.

Iyi ndege ikaba yarashwe ubwo yavaga i Beni yerekeza mu Mujyi wa Goma, ku birindiro bikuru bya MONUSCO.