Umutwe w’iterabwoba wa Islamic State (IS) watangaje ko wishe abakristu bane, barimo umubikira w’Umutaliyani, m gitero wagabye kuwa kabiri mu ntara ya Nampula mu majyaruguru ya Mozambique.
Uyu mutwe watangaje ibi kuwa gatatu ubicishije kuri konti zawo ku rubuga rwa Telegram, mu izina w’icyo wita ‘ishami [ryawo] ry’Intara ya Mozambique’.
Kuwa gatatu ibitangazamakuru byavuze ko umubikira w’imyaka 83 w’Umutaliyani witwa Maria De Coppi, yarashwe akicwa n’abarwanyi bateye umuhana wa Chipene mu karere (...)

Sponsored Ad

Umutwe w’iterabwoba wa Islamic State (IS) watangaje ko wishe abakristu bane, barimo umubikira w’Umutaliyani, m gitero wagabye kuwa kabiri mu ntara ya Nampula mu majyaruguru ya Mozambique.

Uyu mutwe watangaje ibi kuwa gatatu ubicishije kuri konti zawo ku rubuga rwa Telegram, mu izina w’icyo wita ‘ishami [ryawo] ry’Intara ya Mozambique’.

Kuwa gatatu ibitangazamakuru byavuze ko umubikira w’imyaka 83 w’Umutaliyani witwa Maria De Coppi, yarashwe akicwa n’abarwanyi bateye umuhana wa Chipene mu karere ka Memba ahari icyicaro cy’abamisiyoneri b’abakristu.

Bivugwa ko abandi bantu benshi nabo bishwe baciwe imitwe muri iki gitero.

Mu byo ivuga, IS yigamba ko yishe uwo mubikira kuko “yakataje mu bikorwa byo gukwirakwiza idini rya gikristu.”

Yigamba kandi ko abarwanyi bayo batwitse urusengero, imodoka ebyiri, “n’ibindi bintu by’abamisiyoneri muri ako gace”, mbere yo gusubira mu birindiro byayo.

Mbere y’iki gitero, IS yigambye igitero cyayo cya mbere kandi cyonyine mu ntara ya Nampula mu kwezi kwa Kamena(6) ubwo yavuze ko nabwo yateye agace ko muri Memba maze umukristu umwe bakamuca umutwe.

Intara ya Nampula iri mu majyepfo y’intara ya Cabo Delgado aho IS yiganje mu bikorwa byayo.

Perezida Filipe Nyusi wa Mozambique yemeje iki gitero giheruka muri Nampula.

Hagati mu mwaka ushize, ingabo z’u Rwanda, n’iz’umuryango w’ibihugu bya Africa yo mu majyepfo zoherejwe muri aka karere kurwanya umutwe wa IS n’abafatanya nawo, kuwurandura biboneka ko bitarashoboka.

BBC